Elke Dinsdagaand om agtuur op RSG hoor ons hoe hy die temalied van RSG Kuns speel. RSG-luisteraars versoek gereeld om veral sy Jim Muller-keurspel te hoor. Hy is ‘n boorling van Harrismith wat as jong mens sterk beïnvloed is deur ‘n besoek aan dié dorp deur die boeremusieklegende Nico Carstens. Hy het klassieke musiek aan die Universiteit van die Vrystaat studeer sodat hy vandag konsertinas, banjos en trekklaviere saam met simfonieorkeste op verhoë dwarsoor die land kan saamvoeg. Ná sy studies het hy Johannesburg toe verhuis en het by sy eerste werk by Club 58 in Hillbrow ‘n weeklikse betaling van R400 ontvang, waarvan hy R100 in aandele op die JSE belê het. Kom luister hoe so ‘n slim finansiële besluit Rocco de Villiers ryklik beloon het, en waarom hy sy hande sy Rande noem.

RSG plaas die kollig op die werk wat welsynsorganisasies en sorgsentrums doen en hulle behoeftes. (Strand Dienssentrum)

Elke eerste Vrydag van die maand is daar 'n legende in die Spitstyd-ateljee. Vandag is dit die aktrise, Sally Campher.

‘n Akteur wat onthou word vir sy vertolkings in televisiereekse in die jare 80, soos Orkney Snork Nie, Wolwedans In Die Skemer en Die Losprys. Hy het sy operadebuut op 21-jarige ouderdom gemaak, en daarna verskeie hoofrolle as liriese bariton in operas gesing. Vandag is ons bevoorreg om elke Sondagaand saam met hom op RSG tydens Dis Opera te kuier. In die wêreld van die uitvoerende kunste het Charl van Heyningen blou bloed as lid van ‘n gesin waar Francois van Heyningen sy pa was, wat ook later jare met die sopraan Lucille Ackerman getroud was.

RSG plaas die kollig op die werk wat welsynsorganisasies en sorgsentrums doen en hulle behoeftes. (Jakaranda Sosiale Klub vir Blindes)

RSG plaas die kollig op die werk wat welsynsorganisasies en sorgsentrums doen en hulle behoeftes. (Apple Tree Initiatives)

Hy was ‘n praktiserende prokureur wat drie jaar gelede op 31 jarige ouderdom besluit het hy gaan ‘n loopbaanveradering maak om ‘n voltydse sanger word. Toe hy die groot besluit geneem het, het hy al sy besittings verkoop en sy salaris vaarwel geroep - en toe gebeur Covid. Dit het nie sy moed gebreek nie, maar het hom forseer om tydens die grendeltyd te skryf, gevolglik hoor ons vandag gereeld op RSG sy trefferliedjies soos As Ek Jou Onthou, Lankal Gereed, Katryn en Suikerbos. Kom luister na die inspirerende storie van Stefan Jansen.

RSG plaas die kollig op die werk wat welsynsorganisasies en sorgsentrums doen en hulle behoeftes. (Tshususu Stigting)

‘n Klavier is ‘n algemene instrument, en baie mense kan dit in ‘n meerdere of mindere mate speel. Maar wat van minder bekende instrumente soos ‘n altviool, fagot of keteltromme? Ilse Shürmann vertel hoe iemand so ‘n tipe instrument begin speel.