Spitstyd

RSG plaas die kollig op die werk wat welsynsorganisasies en sorgsentrums doen en hulle behoeftes. (SA Infanterie Vereniging)

John-Laffnie de Jager vertel tien dinge wat jy van die Franse Ope moet weet.

Deel 1 - Vlok Cilliers, wat ná sy rugbyspeeldae, skopafrigter van die WP en Bulle was, en nou die Franse nasionale span, vertel hoe hy die tegnieke in skopafrigting toepas op sy persoonlike finansies, en hoe dit vir jou ook van waarde kan wees. Hy word as Suid-Afrika se beste skopafrigter gereken. Hy woon ses maande in Parys, Frankryk, en ses maande in Stellenbosch en wil in samewerking met RSG, klinieke vir finansies aanbied soortgelyk aan die skopklinieke wat hy dwarsoor die land aanbied. Met behulp van VlokSkop help hy gemeenskappe met langtermynoplossings vir hulle probleme i.p.v. kitsoplossings. Deel hiervan is langtermynoplossings vir rugbyspelers wie se loopbane op ‘n relatiewe jong ouderdom tot 'n einde kom, en hulle dan moet leer hoe om 'n salaris en inkomste weg van die rugbyveld af te verdien. Vlok deel ook hoe hy sy verskillende inkomstestrome bestuur wat hy plaaslik en oorsee verdien.

Joernalis en skrywer Julian Jansen vertel tien dinge wat jy van pa-wees moet weet.

RSG plaas die kollig op die werk wat welsynsorganisasies en sorgsentrums doen en hulle behoeftes. (The Living Cornerstone)

Ds. Rudi Swanepoel vertel tien dinge wat jy van die Kerk moet weet.

Deel 2: Kykers het Pascal Pienaar leer ken as verpleegster Karli du Preez in die KykNet-sepie, Binnelanders. Daarna het Pascal 'n plek op die internasionale verhoog, en 'n kans voor groot kameras in Hollywood gaan soek, deur op die stelle en agter die skerms van wereldklasproduksies in Hollywood te gaan werk. In die proses het sy sommer Helen Mirren se huisoppasser in Hollywood Hills geword! In hierdie rou, eerlike en openhartige gesprek deel Pascal die finansiële uitdagings wat sy twee jaar lank in Hollywood moes trotseer, en hoe sy die pot aan die kook gehou het. Sy herinner ons daaraan dat Hollywood niks is soos dit in die rolprente uitgebeeld word nie, en dat die koue en kil plek haar vinnig tot die besef gebring het dat haar hart, huis en loopbaan in Suid-Afrika is.

RSG plaas die kollig op die werk wat welsynsorganisasies en sorgsentrums doen en hulle behoeftes. (Castaways)

Sanger Kurt Darren kuier in die Spitstyd-ateljee.