Bei der Nights of Athletics zu Heusden huet d' Charline Mathias hir Forme kuerz virun der EM eng leschten Kéier getest. Dëst mat Succès; d' Lëtzebuergerin gëtt net nëmmen déi 3 an hirer Course mee stellt mat 2 Minutten an 35 Honnertstel och en néien nationalen Rekord op. Si verbessert hiren eegenen Rekord em 95 Honnertstel.

Bei deem nämmlechten Meeting konnt de Bob Beremes säin Concours am Bommstoussen mat 20 Meter an 48 Zentimeter fir sech entscheeden.

Vum 6. bis den 12. August waren d' Europameeschterschaften zu Berlin. Mat dobäi de Charel Grethen, d' Charline Mathias an de Bob Bertemes.

De Bob Bertemes war deen éischten vun der Lëtzebuerger Delegatioun deen am Asaz war. Mat 19 Meter 70 cm konnt hien sech fir d' Finale qualifizéieren.
Do huet den Lëtzebuerger nach eng Kéier bewisen dat seng Form stëmmt an mat 21 Meter direkt en néien nationalen Rekord am Bommstoussen opgestallt. De Bob Bertemes gouf mat senger Leeschtung de ganz gudden 6.

CUT1

D' Charline Mathias ass iwwert 800Meter un den Départ gaangen. Am Virfeld vun dëser EM hat si sech ganz kloer Zieler gesat.

CUT2

De Wee fir an d' Halleffinale huet d' Lëtzebuergerin als zweet vun hirer Serie ouni gréisser Problemer gepackt.

CUT3

Ma fir d' Finale ass et net duer gaangen, si gouf um Enn déi gutt 8. D' Charline Mathias huet sech awer ganz zefridden mat hiren Leeschtungen gewisen.

CUT4

An der Course iwwert 1500 Meter war de Charel Grethen als leschten vun den Lëtzebuerger aktiv. Mat senger Zäit vun 3 Minutten 49 Sekonnen an 97 Honnertstel konnt sech de Sportzaldot net fir d' Halleffinale qualifizéieren an gëtt den 25.

CUT5

Op engem Werfermeeting zu Bertrix huet d' Noemie Pleimling hiren eegenen nationalen Rekord am Speerwerfen em 56 Zentimeter verbessert. Déi nei national Beschtleeschtung läit elo bei 50 Meter a 74 Zentimeter.