Í dagsins parti siga tey trý skál og gera eina rúsdrekkakanning.

Tað sigst, at Rannvør dámar ov væl at smakka sær á, tískil má hetta kannast.

Bárður og David umboða teirra kyn í dag, sum á Tik Tok hevur gjørt ein lista um nær ein kvinna hevur nógv virði. Rannvør er ikki sera nøgd við hetta, tí hon heldur, at listin er sera barnsligur - tað halda teir eisini.

Síðani fevnir prátið um kend fólk sum gera býttar gerðir, tí kann ein skilja tær býttu gerðirnar frá viðkomandi? Hendan spurningin seta tey sær.

Marjun Syderbø Kjelnæs, rithøvundur og sjúkrarøktarfrøðingur, greiðir frá evninum í sendingini.

Á enskum kallast frásagnarmedisin Narrative Medicine, og hetta ástøðið hevur ment seg til eitt akademiskt fak.

Endamálið er at læra heilsustarvsfólk at síggja heimin úr sjónarhorninum hjá sjúklinginum, tí ikki fyrr enn tú gert tað, kanst tú veita fullgóða sjúkrarøkt.

Hon, sum hevur ment ástøðið um frásagnarmedisin, kallast Rita Charon. Hon er bæði lækni og bókmentafrøðingur.

Panellutakararnir vóru samdir við teimum, sum siga, at tað er lættari í dag at tosa um álvarsliga evnið fosturtøka, enn tað var at tosa um hetta fyri nøkrum árum síðani.

Eyðdis Eidesgaard, fyrrverandi skúlastjóri, Poul Guttesen, lektari á Fróðskaparsetrinum í farloyvi og Marnar Fríðheim Kristiansen, lækni og granskari kjakaðust hesaferð um klandri í fólkakirkjuni, javnrættindi í 2024 og trygd á internetinum.

Á Tik Tok kjakast fólk í løtuni um, hvør er reyvarholið í ymiskum støðum. Tráðurin eitur "Am I The Asshole", og hetta hava tey trý tikið til sín. Tey gera eina roynd við at finna reyvarhol í hesum partinum.

Bárður, David og Rannvør tosa eisini um ein blóðtøpp, sum møguliga er komin av P-pillum. Nakað sum er serstakt við hesum er, at hesin blóðtøppurin hevur eitt ævintýrakent navn. 

Fyri at vera eitt sindur seriøs, so meta tey eisini um, um vit eru blivin býttari í Føroyum, tí PISA kanningin vísur nemliga, at tað eru vit, men hvat siga tey trý?

Søgan snýr seg um tann 13-14 ára gamla Terja, sum veksur upp í Havn í fimmtiárunum.

Familjan er væl fyri, men sambandið millum mammuna og pápan er ikki bara gott. 

Terji ferðast nógv út á bygd at vitja skyldfólk, og at vera í báti dámar honum einabest.

Í skúlanum stendur hann seg væl, men har er mangan spenningur í luftini.

Viðhvørt happa lærarar næmingarnar, og viðhvørt fáa næmingarnir øði í lærararnar.

Sanna Klein og Sámal Soll ummæla "Millumskúlaár".

Lesivanakanningar frá 2017 og 2018 og frá 2020 og 2022 vísa, at børn og ung lesa lítið og onki í frítíðini.

Verður ov lítið lisið, mennist lesiførleikin ikki, og hetta kann skala evnini hjá næmingum at læra og ogna sær vitan.

Lydia Didriksen greiðir frá lesivanakanningunum, og Malan Eyðunsdóttir, lærari í H-deild, greiðir frá lesivanunum hjá næmingunum.

Ongin ivi er um, at netið og frítíðarítriv fara við nógvari tíð hjá teimum ungu, og at tey tí lesa minni, enn tey áttu.

Fitt av fólki var komið í Ungmannafelagið Virkið á Sandi, tá skipað varð fyri Café Salt útvarpskvøldi tann 20. desember 2023. Nógv ymiskt var á skránni: Stuttlig og hugnalig prát vórðu gjørd við Fríðhild Winther, Sunnvu Elisabeth Larsen, Hanus Johannesen, Jógvan Vest, Sverra Mohr Edvinsson, Hendrik Egholm, og Liljuna Clementsen.

Krista og Sámal Hanni Lognberg, ið høvdu Hergeir Lognberg saman við sær á klaveri, bóru okkum vakran jólasang. Tey endaðu eisini sendingina við sálminum, 'Gleðilg jól'.

Handrit og valt tónleik, Oddbjørn Vágslíð. Upplestur, Djóni Andreasen.

Tikið upp og sett saman, Erik Biskupstøð

Fyrr í tíðini var mangan hættisligt at vera kvinna, tí tú kundi verða skírd heks, gívur, gandakelling, groyggj, gandakona, gandahít, trøllkona ella trøllkelling.

Sára Malena Guttormsdatter í Skúgvi segðist duga gand, og søgurnar um hana vóru mangar. Sólrun Michelsen hevur bygt sína skaldsøgu á søgnina um hana.

Hesa ferð verður bókin "Fiskahúsið", sum norski rithøvundurin Stein Torleif Bjella skrivaði, viðgjørd. Jákup í Skemmuni týddi til føroyskt, og Sprotin gav bókina út.

Tríggir gestir eru í Lesikrókinum: Magnus Gaard, Jóhanna Lava Køtlum og Finnur Lützen.