Sending í fýra pørtum um brasilskan tónleik. Verturin vitjar ymisk støð við serfrøðingum í Rio og lærir um tónleikin og samfelagið, sum tónleikurin varð til í. Tónleikur verður eisini spældur í sendingini. Í fyrstu sending hitta vit Pedro Paulo Malta, journalist og tónleikara, á Pedra do Sal, sum merkir Saltsteinurin. Hetta staðið, sum er miðstaðið í býarpartinum "Lítla Afrika" í Rio, hevur í meira enn hundrað ár verið eitt savningsstað fyri samba.

Um Tórshavnar Jazz, Fólka og Blues Festival.

Luttakarar: Brandur Øssursson og Niels Uni Dam.

Fyrrapartin hava vit verið til ólavsøkuguðstænastu í Dómkirkjuni, har ið Ove Brim, prestur, prædikaði, vit hava sæð skrúðgonguna við prestum, bispi, løgtingskvinnum og -monnum, landsstýriskvinnum og -monnum, og løgmanni og øðrum ? og fyri fyrstu ferð síðani Havnará lat uppaftur.

Nýggj tingseta er byrjað og fyri fyrstu fer varð tingið sett av einari løgtingsforkvinnu, løgmaður hevur hildið sína fyrstu ólavsøkurøðu síðani løgtingsvalið í fjør, og risastóra ólavsøkukórið hevur sungið undir leiðslu av Tóru Vestergaard.

Ólavsøkan er tjóðarhátíð okkara ? og ólavsøkuhjartað er Havnin, har ið flest øll halda ólavsøku.

Men tað er eisini tey, sum halda ólavsøku um landið ? og uttanlands, samstundis sum fleiri eisini eru til arbeiðis.

Og komandi sløku tríggjar tímarnar ella so fara vit at taka ólavsøkupulsin um landið, og eitt nú fregnast um hvussu fólk halda ólavsøku á útoyggj og aðrastaðni.

Umframt ólavsøkupulsin fara vit eisini - nú á ólavsøku, at ummæla nýggju Havnará úr arkitektoniska sjónarhorninum.

Og nú Merkið er vundið á stong á ólavsøku, fregnast vit eisini um flagglógina, samstundis sum vit eisini hava funnið nøkur sera forkunnug ólavsøkubrot úr bandasavni kringvarpsins.

Tú kanst hoyra sendingin her!

Fyrr í ár gjørdist Føroya Ríðingarfelag 80 ár.

Felagið varð stovnað í Tórshøll í Niels Finsensgøtu í Havn 25. februar í 1943.

Endamálið við felagnum var at stimbra áhugan fyri ríðiítróttini, fáa til vega ríðibreyt, viðlíkahalda ríðigøtur og fyrireika kappríðingar.

Skipað varð kortini fyri kappríðingum, áðrenn Føroya Ríðingarfelag varð stovnað. Tann fyrsta var á ólavsøku í 1921, og riðið varð kapp hvørt ár til 1929.

Ingi Rasmussen, Øssur Egholm og Rannvá G. Fossaberg leggja til rættis.

Tað er Randi Kúrberg, dóttir Jørleif Kúrberg, sála, sum hevur samskipað útgávuna "Reyn, kæra Reyn.

Jørleif var  millum annað kendur fyri at duga væl at siga søgur og vera undirhaldandi. Eisini metti hann søgu og upphav høgt og troyttaðist ongantíð at siga sínar havnarsøgur fyri ungum sum eldri og útlendingum sum føroyingum.

Við útgangsstøði í einari ferð saman við Jørleifi og øðrum atkomuligum keldum, eins og nýggjum og gomlum myndum og kortum, verður í bókini farið runt tey støð, sum Jørleif elskaði so høgt.

Í sendingini hoyra vit kórsang og samrøður.

Luttakandi kórini eru:

Felagskórið

Vestmanna sangkór

Siloakórið

Tarira

Suð

Tórshavnar manskór

Vágakórið

Fuglafjarðar sangkór

Silvitni

Kórið hjá Jóhan

Xperiment

Stranda sangkór

Ljómur

Morgunkórið

Eystanljóð

Tórshavnar Kamarkór

Havnarkórið

Gøtu kirkju ungdómskór

Samrøður eru við:

Michael Bawtree

Gudny Vang

Arinu Bischoff

Zacharias Sørensen

Men eisini varð farið i ein gongutúr at vitja forn støð, harav eitt var hovið hjá Hovgrími, høvdinga, sum í víkingatíð hevði tað hálva av landinum í len. Eitt hov var ein heiðin staður til gudsdýrkan í fornøld, heiðin halgidómur.

Finnbjørn Hovsgarð, formaður í felagnum Víkingaskip, leiddi okkum gjøgnum fornu søguna í Hovs bygd, eins og hann greiddi frá í Savninum á Mýri. Albert Isfeldt, arkitektur, og Gudmundur Sjúrðason Norðbú, bátasmiður, søgdu frá verkætlanini at smíða víkingaskip, byggja langhús og jarnsmiðju, harav smiðjan stendur so at siga liðug.

Katrin Joensen-Næs fekk ársins Ebbu-virðisløn, sum verður latin ungum rithøvundi við serligum gávum. Vit hitta unga filmsleikstjóran, sum gjørdist bilsin um heiðurin.

Vit fóru á gátt fríggjadagin, tá ið ein stór og fjølbroytt listaframsýning lat upp í Hæddini í Saltangará. Og talan er um eina serstaka hátíðarframsýningin við verkum eftir fjølbroytta listamannin, Tummasi Jákup Thomsen, sum rundaði tey seksti í fjør.

Hoyr alla sendingina her.

Júst sum ukrainar í 2013 halda, at teir taka stórt stig nærri Europeiska Samveldinum, noktar forsetin Viktor Janukovitj at skriva undir samstarvsavtaluna við ES. Fólk eru á gosi og fara út á gøturnar at mótmæla. Sum frálíður kemur tað til samanbrestir millum mótmælisfólk og myndugleikar, og tað endar við kollvelting. Miðdepilin fyri stríðið er Frælsistorgið í Kiev ? Maidan.