Стартапніца

Піліш стартап? Спярша знайдзі добрага юрыста! Іначай пасля ўзнікнуць пытанні. Абавязкова ўзнікнуць!

Калі стартапу мае сэнс задумвацца пра юрыдычную дапамогу? З якімі праблемамі юрысты могуць дапамагчы зладзіць, а якія — перадухіліць? У чым увогуле заключаецца юрыдычнае кансультаванне і суправаджэнне ў экасістэма стартапаў? На гэтыя пытанні адказвае кіруючы партнёр COBALT Дар'я Жук.

Ігар Маханёк — легенда ў свеце беларускіх IT. Яшчэ ў 2000-я два разы выйграў "Кубак Яндэкса" па пошуку ў інтэрнэце, потым з'ехаў працаваць у Google, перайшоў у Facebook... І пачаў укладваць грошы ў стартапы.

Першыя інвестыцыі былі зробленыя каля сямі гадоў таму. У партфелі ў Ігара PandaDoc і іншыя праекты, дакладную колькасць якіх, як і дакладную колькасць экзітаў, ужо складана хутка падлічыць. У "Стартапніцы" Ігар Маханёк распавядае пра экзіты, якіх чакаеш сем гадоў; "чырвоныя сцягі"; прынцыпы працы нью-ёркскай сеткі Empire Angels і пазітыўныя змены ў Беларусі.

Будучыня прыйшла ў Беларусь! Стартап Dronex сумесна з Menu.by запусціў у тэставым рэжыме дастаўку ежы... з дапамогай дронаў. Фаўндар праекта Уладзімір Давыдаў распавядзе падрабязнасці: як развіваўся стартап, ці застануцца праз яго без работы кур'еры, колькі дронаў задзейнічала ў сервісе, якую вагу яны падымаюць, як збіраюцца канкураваць з паштаматамі, куды і адукль яны змогуць прынесці вам піцу і што на гэты конт думае беларускае заканадаўства.

Амаль кожная трэцяя сям'я ў свеце сутыкаецца з парушэннямі вымаўлення ў дзіцяці дашкольнага ўзросту. Выправіць іх можна, калі рэгулярна рабіць патрэбныя практыкаванні. Але як зрабіць так, каб дзіця займалася ахвотна і не філоніла?

Гэтую праблему вырашае праграма CatZu, якая дапамагае дзецям загаварыць правільна. Як гэта працуе? Пра гэта ў "Стартапніцы" расказвае CEO CatZu дэфектолаг Антаніна Судзілоўская. Дапамагае нам Юлія Няхай.

Інструменты маркетынга добра вядомыя, але эфектыўна прымяняць іх на практыцы атрымліваецца далёка не заўсёды. Якім павінен быць "правільны" маркетынг стартапаў? Раскажа эксперт у галіне развіцця бізнесу, аўтар праекта StartupOn Ірына Дубовік. Пагаварылі і пра вузкія месцы праектаў з пазіцый бізнесу.

Антон Кулічкін, верагодна, самы загадкавы чалавек у беларускай стартап-тусоўцы. Антон уваходзіць у сеціва бізнес-анёлаў Angels Band і ў савет экспертаў Асацыяцыі "Тэхналогіі размеркаванага рэестра", выкладае ў Imaguru Blockchain School.

"Бізнес-анёл заўсёды па-за зонай камфорту, заўсёды павінен быць галодным, у пошуку, — сказаў Антон у адным інтэрв'ю. — У анёльскім інвеставанні няма спакою".

Герой "Стартапніцы" — Вадзім Макоўскі, СЕО блокчейн-стартапа Multy.io. Праект з'явіўся ў верасні 2017 году пасля блакчэйн-хакатона ў стартап-хабе "Імагуру".

Хлопцы распрацоўваюць адкрыты мабільны блакчэйн-кашалёк, які дае доступ да ўсіх крыптавалют на любым девайсе за кошт адной seed-фразы. У "Стартапніцы" пагаворым пра тое, як цяпер сябе адчуваюць праекты ў галіне блакчэйна і крыптавалют, улічваючы, з аднаго боку, сумную крыптазіму, а з другога —адкрыццё крыптаіржы ў Беларусі.

Стартап Kuoll стартаваў як інструмент для кантролю якасці праграмавання. Потым каманда змяніла фокус і засяродзілася на працы з інтэрнэт-крамамі: прапанавала інструмент аналізу дадзеных для e-commerce.

Каманда з 5 чалавек 4 гады працавала над прадуктам. Хлопцы прайшлі два акселератары, адкрылі офіс у Нью-Ёрку, прыцягнулі інвестыцыі, але ў выніку... закрылі праект.

Калі фаўндару лепш закрыць кампанію, і як на гэта вырашыцца? Ці ёсць жыццё пасля стартапа? Пра гэта нам распавядае Дзмітрый Кайгародаў, CEO праекта Kuoll.

Сённяшняя наша госця — Дар'я Данілава, СЕО стартапа RocketData, сервісу з актуальнымі звесткамі пра бізнес і водгукамі, якія дапамагаюць прывесці кліентаў. На мінулым тыдні праект закрыў здзелку на $500 тысяч. Гэтая падзея — знакавая для беларускай экасістэмы.

$500 тысяч — гэта для стартапа шмат ці мала? Мы паразмаўляем з Дар'яй аб майстэрстве прыцягваць інвестыцыі, аб "адэкватнасці фаўндара" і перамовах з інвестарамі. А яшчэ — пра цяжкі перыяд у жыцці стартапа, калі грошы толькі-толькі замаячылі на гарызонце.

Новы герой "Стартапніцы" — Кірыл Атстараў, "серыйны стартапер", які цяпер працуе над праектам Skina bot. Гэта просты, прыватны і бяспечны спосаб дыягнаставаць стан скуры праз ананімны тэлеграм-бот. Праграма аналізуе практычна любыя скурныя змены, утварэнні і захворванні: дастаткова зрабіць фатаграфію скуры на смартфон.

У "Стартапніцы" — новым праекце Еўрарадыё і BEL.BIZ пра дзёрзкіх маладых прадпрымальнікаў, якія будуюць бізнес у Беларусі, і пра смелых інвестарах, якія ў іх вераць — мы пагутарым з Кірылам не толькі пра яго новым стартап і планы па манетызацыі і развіцці, але і ўвогуле пра праекты на стыку медыцыны і штучнага інтэлекту.