Söngkonan og myndlistarkonan Þuríður Sigurðardóttir segir frá föður sínum, söngvaranum og hestamanninum Sigurði Ólafssyni. Umsjón: Margrét Blöndal.

Björn G. Björnsson segir frá fyrsta íslenska arkitektinum, Rögnvaldi Ólafssyni, en hann hefur skrifað bók um Rögnvald. Umsjón: Margrét Blöndal.

Svanhvít Egilsdóttir söngkona og prófessor í Vínarborg er önnur tveggja sem er á stefnumóti þessar þáttar. Hin er Guðrún Egilson kennari sem skrifaði ævisögu Svanhvítar, Tvístirni sem kom úr 2002. Í þættinu segir frá litríku lífi Svanhvítar og leikin er tvö lög þar sem hún syngur. Tónlistin í þættinum er út óperettunni Í álögum eftir Sigurð Þórðarson (tónlist) og Dagfinn Sveinbjörnsson (texti) Upptakan er frá 1956 og hljómsveitarstjóri var Victor Urbancic. Einnig eru bútar út Kvöldgestaþætti þar sem Jónas Jónasson talaði við Svanhvíti og var útvarpað 06.09.1991. Umsjón: Margrét Blöndal.

Benedikt Sigfússon bóndi í Flöguseli og afkomandi hans Gunnar Frímannsson félagsfræðingur og kennari eru gestir þessa þáttar. Í þættinum er vitnað í bók Eiðs Guðmundssonar Búskaparhættir í Skriðuhreppi forna. En þar lýsir Eiður Flöguselsfólkinu m.a. Lesari: Felix Bergsson. Umsjón: Margrét Blöndal.

Stefnumót dagsins er við Dr. Bjarka Sveinbjörnsson tónlistarfræðing og Pétur Á. Jónsson óperusöngvara. Tónlist í þættinum. Dalvísa (Fífilbrekka gróin grund) eftir Árna Thorsteinsson og Jónas Hallgrímsson - ( það er lagið sem var á fyrstu íslensku hljómplötunni sem kom út 1910 - upptakan var gerð í Kaupmannhöfn 23. ágúst 1910 ) In Fernem Land (Gralsöngurinn) Úr 3. Þætti Óperunnar Lohengrin. Umsjón: Margrét Blöndal.

Hera Fjord leikkona fór að kynna sér sögu langalangömmu sinnar fyrir tveimur árum og hefur nú samið einleik þar sem hún segir frá ævi hennar. Kristínu Jónsdóttur Dalstedt var frumkvöðull og athafnakona sem lét sér fátt ef nokkuð fyrir brjósti brenna. Tónlistin sem heyrist í þættinum er annars vegar flutt af Útvarpshljómsveitinni, stjórnandi Þórarinn Guðmundsson. En hljómsveit Þórarins Guðmundssonar var meðal þeirra sem spiluðu á Fjallkonunni, veitingahúsi Kristínar og svo danska hljómsveitin Winstrup Olesen. Gamlar auglýsingar frá Fjallkonunni, lestur: Arndís Björk Ásgeirsdóttir. Umsjón: Margrét Blöndal.

Stefnumót þessar þáttar var við Kristján Níels Júlíus Jónsson, skáldið Káinn og Kristinn Má Torfason forstöðumann á búsetusviði hjá Akureyrarbæ. Tónlistina í þættinum samdi Bragi Valdimar Skúlason við kvæði Káinns og hana er að finna á plötu Baggalúts ... Sumarið í Dakota. Umsjón: Margrét Blöndal.

Feðgarnir Jón Sigurðsson, Jón í bankanum og Trausti Jónsson verkefnastjóri hjá Reykjavíkurborg voru stefnumótagestir þessa þáttar. Jón samdi fjölda laga sem mörg hver eru meðal vinsælustu dægurlaga þjóðarinnar og enginn hefur tölu á öllum þeim textum sem hann samdi. Í þættinum eru bútar út sjónvarpsþættinum Manstu gamla daga þar sem sem Helgi Pétursson talaði við Jón. Þátturinn er frá árinu 1991. Tónlist: Komdu í kvöld ( lag og texti Jón Sigurðsson) Fjórir kátir þrestir ( lag: höf óþekktur, texti Jón Sigurðsson ) Komdu niður ( lag og texti Jón Sigurðsson) Vor við flóann ( lag erl. texti Jón Sigurðsson ) Í rökkurró ( lag erl. texti Jón Sigurðsson ) Úti í Hamborg ( lag og texti Jón Sigurðsson ) Vertu ekki að horfa ( lag erl. texti Jón Sigurðsson) Hún var með dimmblá augu ( lag erl. texti Jón Sigurðsson) Ég fann þig ( lag erl. texti Jón Sigurðsson) Ég vil fara upp í sveit ( lag og texti Jón Sigurðsson) Kvöldsigling ( lag Gísli Helgason, texti Jón Sigurðsson ) Sagan af Nínu og Geira ( lag erl. texti Jón Sigurðsson) Ég er kominn heim ( lag erl. texti Jón Sigurðsson) Umsjón: Margrét Blöndal.

Bjarni Jónasson kennari, sveitarhöfðingi og samvinnumaður í Húnaþingi varð hugfanginn af ungri stúlku, Önnu Sigurjónsdóttur og sendi henni fyrsta bónorðsbréfið árið 1920. Hann gafst ekki upp þrátt fyrir afsvar og að lokum tókst honum að vinna hjarta hennar. Bréfin hans Bjarna eru varðveitt af afkomendum þeirra hjóna og gefa, auk fjölda dagbóka Bjarna einstaka innsýn í líf ungs manns á fyrstu áratugum tuttugustu aldar. Anna Hinriksdóttir yfirþýðandi og dóttur dóttir Bjarna og Önnu Sigurjónsdóttur kom á stefnumót með afa sínum. Í þættinum eru lesnir bútar út bréfum og dagbókum Bjarna. Þeir eru úr útvarpsþættinum Ástin á tímum ömmu og afa sem Anna Hinriksdóttir vann fyrir RÚV. Lesari er Felix Bergsson. Umsjón: Margrét Blöndal.

Stefnumót þessa þáttar er við Þór Jónsson almannatengill, ævisagnaritara og laganema og Sigurð Demetz Franzon óperusöngvara og söngkennara. Leiðir þeirra lágu fyrst saman þegar Þór mætti í söngtíma hjá Demetz og með þeim tókst mikill og góður vinskapur. Síðar leiddi hann til þess að Þór skrifaði ævisögu Demetz sem fékk titillinn Á valdi örlaganna. Í þættinum eru spilaðir bútar úr viðtali sem Ævar Kjartansson tók við Demetz í fæðingarbæ hans Orisei í suður Týrol. Tónlist: Vínarlag sem Sigurður Demetz Franzson og Eyþór Þorláksson fluttu í útvarpsþætti árið 1961. Sveinkadans eftir SigvaldaKaldalóns. Út sjónvarpsþætti frá 1973 þar sem 24 MA félagar sungu ýmis lög. Stjórnandi var Sigurður Demetz. Ingimar Eydal lék með á píanó. Umsjón: Margrét Blöndal. Aría úr Meistarasöngvurunum eftir R. Wagner.