Gestir þáttarins eru Kristín Ásgeirsdóttir, framkvæmdastýra jafnréttisstofu og pabbi hennar Ási í Bæ. Umsjón: Margrét Blöndal.

Árni Benediksson stórkaupmaður var sveitastrákur að vestan sem átti magnaða lífssögu og í þessum þætti segir Páll frá þessum föðurafa sínum sem hann kynntist aldrei. Árni er fyrirferðamikill í fjölskyldusögu Páls, þrátt fyrir að hafa horfið úr lífi ömmu hans, Kristrúnu Tómasdóttur Hallgrímsson árið 1921. Páll sendi frá sér bókina Loftklukkan árið 2015 þar sem fjölskyldusagan er rakin að hluta. Í þættunum er leikið lagið: Sweet Georgia Brown sem var eitt af vinsælustu lögum þriðja áratugarins í Bandaríkjunum. Flytjandi: Johnny Mercer Umsjón: Margrét Blöndal.

Jóhann Svarfdælingur var kynntur víða um lönd sem heimsins stærsti maður. Hann kvaddi dalinn sinn ungur og segja má að ævin hans hafi oft á tíðum verið mjög átakanleg. Óskar Þór Halldórsson heyrði ungur af Jóhanni og síðar kviknaði áhugi hans á því að kynna sér sögu hans betur. Óskar gerði heimildamynd um Jóhann árið 2001 sem heitir Stóri Íslendingurinn. Í þættinum eru spilaðir stuttir bútar úr Kvöldgestaþætti Jónasar Jónassonar, þar sem Jóhann var gestur og úr Sjónvarpsþætti þar sem Ólafur Ragnarsson talaði við Jóhann. Lagið sem er spila heitir Svarfarðardalur kæri og er flutt af Karlakór Dalvíkur. Stjórnandi Guðmundur Óli Gunnarsson Ljóðið er eftir Hjalta Haraldsson ( Ytra Garðshorni ) Umsjón: Margrét Blöndal. Lagið er eftir Guðmund Óla Gunnarsson Heimildamynd Óskars um Jóhann má sjá hér: https://www.youtube.com/watch?v=itIYGkfEEbU

Stefnumót þessa þáttar er við Bjarna Hafþór Helgason viðskiptafræðing og tónskáld og móðurbróður hans Hákon Aðalsteinsson skógarbónda, skáld og sagnamann. Umsjón: Margrét Blöndal.

Ingimar Eydal er ógleymanlegur öllum þeim sem honum kynntust. Margir kunna af honum sögur en á þessu stefnumóti segir Inga frá pabbanum Ingimar. Í þættinum eru eru spilaðir bútar úr sjónvarpsþáttunum Á tali ( Hermann Gunnarsson) og Örlítið meiri diskant (Margrét Blöndal ) Tónlistin er flutt af Hljómsveit Ingimars Eydal nema lagið Scandinavian Shuffle sem er flutt af Swe-Danes. Umsjón: Margrét Blöndal.

Þeir er alnafnar en annar þeirra, sá eldri er þekktari sem Ljón norðursins. Leó yngri segir hér frá afa sínum og samskiptum þeirra sem oft á tíðum voru afskaplega litrík og eftirminnileg. Í þættinum heyrast brot úr viðtali sem Bjarki Bjarnason rithöfundur tók við Leó eldri sumarið 1986. Upptökurnar eru í eigu Leós yngri. Umsjón: Margrét Blöndal.

Lárus Pálsson leikari var ein af hetjum Þorvaldar Kristinssonar þegar hann var að alast upp í Hrísey. Hann hlustaði á útvarpsleikritin af mikilli ástríðu og þegar hann svo löngu síðar var beðinn um að skrifa ævisögu Lárusar hófst ferðalag sem tók 11 ár. Ferðalag sem þegar betur er að gáð stendur ef til vill enn. Í þættinum eru spilaðir bútar úr Gullna hliðinu, Hamlet og Íslandsklukkunni, auk þess sem Lárus flytur ljóðið Fuglinn í fjörunni. Umsjón: Margrét Blöndal.

Stefnumót þessa þáttar var við mæðginin Guðmund AndraThorsson rithöfund og Margréti Indriðadóttur fv. fréttastjóra Ríkisútvarpins. Í þættinum segir Guðmundur Andri frá mömmu sinni og lífinu á heimilinu. Bernsku sinni og sambandi þeirra á fullorðinsárum. Í þættinum eru bútar úr viðtali sem Eva María Jónsdóttir tók við Margréti fyrir sjónvarpsþáttinn Goðsögn í sinni grein. Umsjón: Margrét Blöndal.

Hún var mjög ung þegar hún féll fyrir honum og síðar átti hún eftir að hitta hann aftur í hans eigin húsi, Davíðshúsi við Bjarkastíg á Akureyri. Og þá varð hún ástfangin af skáldinu sínu. Valgerður H. Bjarnadóttir hefur sl. sumur haldið utan um starfsemi í Davíðshúsi og tekið á móti ótal mörgum gestum og staðið fyrir margvíslegum viðburðum sem tengjast skáldinu og líklega má segja að hún sé eina konan sem titla megi sem húsfreyju í húsi skáldsins. Umsjón: Margrét Blöndal.

Það er kannski fullmikið sagt að Anna á Stóru-Borg hafi verið ástkona hans enda nokkur hundruð ár sem skilja þau að. Huglæg hjákona segir hann sjálfur. Sigurður Hróarsson framkvæmdastjóri Sögusetursins á Hvolsvelli heillaðist af Önnu Vigfúsdóttur þegar hann flutti í nágrenni Eyjafjallanna enda var hún heillandi persóna sem sagði feðraveldi 16. aldar stríð á hendur þegar hún varð ástfangin af smalanum Hjalta Magnússyni. Umsjón: Margrét Blöndal.