Summarmorgun

Tina Mellemgaard og Bjørk Sigurðardóttir Lamhauge vitjaðu Summarmorgun og greiddu frá sanginum, sum varð frumspældur í sendingini.

Eyðfinn Jensen legði til rættis.

Pride, Smyril um ólavsøkuna og veðrið

Kappróður og ólavsøkuklumma

Vit eru á gátt hjá Beini Johannesen, løgmanni, har prátað verður um nýggjuhúsini, at seta føtur undir egið borð og um ólavsøkurøðuna.

SvínaCon er einn borðspælsfestivalur. Hann verður í Svínoy, har eini 40-60 fólk hittast at spæla borðspøl.

Og Galdr hevur bryggjað ein nýggja drykk, mjøður og whisky. Finnur Koba var og vitjaði, tá ið menn vóru í holt við at hita voksið, sum skal smeltast oman á fløskupropparnar.

Vit hoyra um ein rúnastein, sum er funnin í eini gamlari bønhústoft á Sondum á Sandi. Vit eru við, tá ið tey loysa steinin úr jørðini.

Poulina Eliasen hevur broderað vestar og annað til føroysk klæði í yvir 40 ár. Vit hitta hana og tosa um brodering, litir og føroysk klæði, nú ólavsøkan nærkast.

Og yvir 100 føroyingar eru til barnadansistevnuna BarnLek, sum í ár verður hildin í Finlandi. Vit ringja fyri at fritta um stevnuna.

Í fleiri ár hevur verið arbeitt við at umvæla 95 ára gamla útisvimjihylin í Svínoy. Byrgingin var liðug umvæl í vetur og í góðveðrinum í summar, hava fólk hav møguleikan at royna hylin, og tað hevur fleiri gjørt, sigur Petur Takamasa Asano, stigtakari.

Á Viðareiðið hava nøkur ung fólk tikið stig til, at stovna eitt ungdóms dansifelag. Tey hava dansað um vetrarnar í nøkur ár, og nú hildu tey, at tið var at skipa seg betur. Levi Jógvansson Heinesen er ein av stigtakarnum.

Hóskvøldið skipar áhugafelagið, Føroyingar fyri friði, fyri Friðargongu. Hetta er triðja árið á rað. Finnur Koba hittir stigtakaran, Henrik Weihe Joensen, til eitt prát um Friðargonguna, meðan teir ganga teinin av Vaglinum í Havn oman á Tinganes.

Magnus Pauli West, trivnaðarsamskipari í Vágs kommunu, greiðir millum annað frá um ferðavinnu í oynni, hvaðani ferðafólkini koma, hvussu mong tey eru og hvat tey vilja síggja og uppliva.

Og Finnur Koba hevur vitjað Krígssavnið í Vágum, og hitti har Karl Jóhan Nielsen, savnsformann. Tosa bleiv eitt nú um, barakkirnar, sum teir nú eru í ferð við at endurreisa.