Sunnudagssögur

Gestur Huldu G. Geirsdóttur var Edda Björk Arnardóttir, móðirin sem komst í fjölmiðla fyrr á árinu þegar hún leigði einkaflugvél og sótti þrjá unga syni sína til Noregs, en hún hefur staðið í forræðismáli undanfarin ár og einungis fengið að hitta syni sína í 16 klukkustundir á ári, undir eftirliti. Edda rakti sögu sína og sagðist aldrei gefast upp þegar að málefnum barna hennar kemur.

Lögmaðurinn Eva Hauksdóttir fór fyrst að vekja athygli almennings í mótmælum vegna efnahagshrunsins 2008 þar sem hún barðist af krafti gegn sitjandi stjórnvöldum og fyrir kerfisbreytingum sem dansa á mörkum anarkisma og félagshyggju. Hún er skoðanarík og segist nærast á rökræðum - þær séu í raun hennar helsta áhugamál eins og aðrir hafi áhuga á dansi eða íþróttum.

Umsjón: Snærós Sindradóttir.

María Heba Þorkelsdóttir er gestur Guðrúnar Dísar Emilsdóttur í Sunnudagssögum. María Heba hlaut nýverið Edduverðlaun sem besta leikkona í aukahlutverki en þetta er í annað sinn sem að María Heba hlýtur þessi verðlaun. María Heba er fjölhæf, opin og einlæg og sest hún niður í hljóðstofu Rásar 2 með rjúkandi kaffibolla og segir hlustendum sögu sína.

Siggi Gunnars ræðir við Birgittu Líf Björnsdóttur sem starfar dagsdaglega sem markaðsstjóri World Class en er einnig áhrifavaldur, samfélagsmiðlastjarna, dansari, rekstrarstjóri og margt fleira.

Umsjón: Sigurður Þorri Gunnarsson

Pétur Benedikt Pétursson tilvonandi doktorsnemi í Cambridge er gestur Hrafnhildar í þættinum. Pétur hefur búið lengi í London og stefnir nú á doktorsnám í félagsfræði þrátt fyrir ungan aldur. Rætt var um lífið, kvikmyndir en Pétur situr í valnefnd Riff kvikmyndahátíðarinnar sem hefst í vikunni. Rætt var um uppvaxtarár, skólagöngu á Íslandi og í London, mótbárur í lífinu umhverfismál og kvikmyndir.

Karl Frímannsson er gestur þáttarins en hann er nýlega tekinn við embætti skólameistara Menntaskólans á Akureyri. Karl hefur alla tíð verið virkur í íþróttum og sá áhugi leiddi hann yfir í þjálfun og kennslu. Hann hefur helgað feril sinn menntamálum og starfað bæði við menntastofnanir og innan stjórnsýslunnar. Karl ræðir uppvöxtinn á Akureyri, feril sinn við íþróttaþjálfun og hvað honum þykir mikilvægt þegar kemur að skóla- og menntamálum.

Umsjón: Gígja Hólmgeirsdóttir

Pan Thorarensen hefur farið ótroðnar slóðir í lífinu, foreldrar hans líka. Pan lifir fyrir tónlistina og listina. Hann er menntaður bakari og segir það hugleiðslu líkast að baka brauð. Hann er í fjölda tónlistaverkefna þar á meðal Stereo Hypnosis með föður sínum. Einnig hefur hann verið að búa til og gefa út tónlist með yngsta syni Chaplin, Christopher Chaplin heitir sá. Pan rekur einnig verslun á Skólavörðustíg sem heitir Space Oddysey og svo er tónlistarhátíðin Extreme Chill Festival hans.

Gestur þáttarins er eins og kötturinn með níu líf, en er þó bara staddur í sínu sjötta eða sjöunda í mesta lagi. Viðar Eggertsson leikstjóri og útvarpsmaður varði fyrstu tveimur og hálfu ári ævi sinnar á vöggustofu sem rekin var af Reykjavíkurborg þar sem ekki mátti sýna brjóstmylkingnum neina alúð. Hann féll fyrir leikhúsinu ellefu ára gamall og var ungur kominn á fjalirnar með risum íslenskrar leikhússögu. Honum er umhugað um fátækt fólk, og eldra fólk sem býr við kröpp kjör eftir langt ævistrit.

Umsjón: Snærós Sindradóttir

Gestur þáttarins, á kvenréttindadaginn, er Bríet Blær Jóhannsdóttir. Hún valdi sér nafn í höfuðið á Bríeti Bjarnhéðinsdóttur kvenréttindafrömuði og því nafnið hljómar eins og Brie ostur sem er í uppáhaldi hjá þessari aðdáunarverðu konu. Viðhorf rithöfundarins JK Rowling til transfólks menguðu Harry Potter bækurnar í huga Bríetar sem áður hafði fundið innblástur og ánægju af þeim sagnaheimi. Bríet bíður kynleiðréttandi aðgerðar sem hún segir lífsspursmál fyrir margt trans fólk að biðlistinn styttist.

Alex Elliott ræðir við Peter Weiss forstöðumanni Háskólaseturs Vestfjarða um lífið og vinnu, í tilefni Sjómannadagsins.

Lög þáttarins eru:

Sjómannavalsinn - Hjaltalín

Kein Boarischeer - Die Knödel

Haglél - Mugison

Grafskript - Hinn Íslenzki Þursuflokkurinn

Into the Dark - Between Mountains

Kotkan ruusu - Arja Saijonmaa