Þættirnir Svona fólk sem eru sýndir á sunnudagskvöldum á RUV hafa vakið mikla athygli. Þetta er Heimildarþáttaröð í fimm hlutum um sögu réttindabaráttu samkynhneigðra á Íslandi. Frásögnin spannar fjóra áratugi og rekur baráttu samkynhneigðra fyrir mannréttindum, mannvirðingu og sýnileika allt frá því að fyrsti vísir að hreyfingu þeirra varð til um miðjan áttunda áratug síðustu aldar. Margrét Pálmadóttir tók þátt í að stofna Foreldrafélag samkynhneigðra fyrir 30 árum og hún rifjaði upp þessa tíma í þættinum í dag. ..

Hakkaþonið Reykjavík Climathon verður haldið í þriðja sinn á föstudaginn. Hakkaþon er keppni í frumkvöðlastarfsemi og nýsköpun og fer fram innan tiltekinna tímamarka og endar á að lið kynna hugmyndir sínar fyrir dómnefnd. Í Reykjavík Climathon í ár hljómar áskorunin eftirfarandi: Hvernig finnum við loftslagslausnir í samgöngum? Við fengum Justine Vanhalst, verkefnisstjóra Climathon, og Stefán Örn Snæbjörnsson, sem vann keppnina í fyrra, í þáttinn.

Sterkari út í lífið er verkefni margra samstarfsaðila eins og Heimilis og skóla, sálfræðistofa,litlu kvíðameðferðarstofunnar og fleiri og er nokkurs konar verkfærakista ætluð foreldrum og fagfólki. Markmiðið er að eiga samtöl og gera æfingar sem styrkja sjálfsmynd barna og unglinga og allt efni er þróað af fagfólki. Við ræddum við Þórdísi Rúnarsdóttur sálfræðing.

UMSJÓN GUÐRÚN GUNNARSDÓTTIR OG GUNNAR HANSSON