Er hugsanlegt að inntaka á sýklalyfjum snemma í barnæsku geti haft áhrif á heilsu barna síðar meir, eins og til dæmis svörun við bólusetningum? Birta Bæringsdóttir starfar sem sérnámslæknir á Barnaspítalanum og er að gera rannsókn sem snýst um þetta. Sýklalyf geta haft áhrif á þarmaflóruna í meltingarveginum sem er mikilvæg fyrir þroska ónæmiskerfisins og hugsanlegt er að sýklalyfjanotkun geti valdið því að einstaklingar séu útsettari fyrir sýkingum. Við tölum við Birtu hér á eftir.

Við fáum nýjan vinkil frá Guðjóni Helga Ólafssyni í dag eins og undanfarna mánudaga. Í þetta sinn ber hann vinkilinn að lestarteinum. Meira um það hér á eftir.

Og lesandi vikunnar í dag er Árni Árnason, rithöfundur. Hann var að senda frá sér bókina Vængjalaus. En í dag ætlar hann að segja okkur frá því hvaða bækur hann hefur verið að lesa undanfarið og hvaða bækur og höfundar hafa haft mest áhrif á hann í gegnum tíðina. Árni talaði um eftirfarandi bækur og höfunda:

Mars eftir Sunnevu Kristínu Sigurðardóttur

Ólöf eskimói efir Inga Dóra Björnsdóttir

Þar sem vegurinn endar eftir Hrafn Jökulsson

Eyjan hans Múmínpabba eftir Tove Janson

Takk fyrir komuna eftir nemendur í ritlist

Mánasteinn eftir Sjón

Aðventa eftir Gunnar Gunnarsson

Vigdís Grímsdóttir, Frederik Backman, Jonas Jonasson og Paul Auster.

Tónlist í þættinum í dag:

Hámenningin / Halli Reynis (Halli Reynis)

Ást er æði / Björgvin Halldórsson og Ragnheiður Gröndal (Sam & Ruby og Kristinn G. Bjarnason)

Bruce Springsteen / Used cars (Bruce Springsteen)

UMSJÓN: GUNNAR HANSSON OG GUÐRÚN GUNNARSDÓTTIR