دايمًا المهتمين بالسينما بيسألوا بعض عن الكتب المنشورة بالعربي عنها. قريت إيه الفترة دي؟ أو السؤال الأدق: لسه قادر تقرأ؟ لإننا بننتبه مؤخرًا لتراجع قدرتنا على القراءة، فما بالك إن المنشور بالعربي عن السينما مش كافي، ومابالك بارتفاع أسعار الورق والأزمات الاقتصادية للناشرين اللي بتخلي سعر الكتب غالي جدا. بالإضافة لتحديات تانية، زي ضَعف المحتوى المتاح للقراءة على تطبيقات القراءة الإلكترونية، وأصلًا تغيير عاداتنا والتعود على القراية من شاشة. 

في حلقتنا الجديدة بنشاركم بنقرأ إيه عن السينما، بترشيحات لـ 5 كتب عن السينما والثقافة السينمائية.

الحلقة مهداة لروح الناقد والمترجم أحمد يوسف، صاحب أهم الترجمات اللي تخص السينما كحرفة.