നടനും, സംവിധായകനും, എഴുത്തുകാരനുമായ എമിൽ മാധവി തന്റെ  അഭിനയരീതികളെക്കുറിച്ച്, സംവിധാനരീതികളെക്കുറിച്ച് സർഗാത്മക യാത്രകളെക്കുറിച്ച് സംസാരിക്കുന്നു. കോഴിക്കോട് സ്വദേശിയായ എമിൽ ദേവഗിരി കോളേജിലെ പഠനത്തിന് ശേഷം തൃശൂർ സ്കൂൾ ഓഫ് ഡ്രാമ, ഹൈദരാബാദ് സെൻട്രൽ യൂണിവേഴ്സിറ്റി എന്നിവടങ്ങളിൽ നിന്നും അഭിനയവും സംവിധാനവും പഠിച്ചു. മലയാള രംഗാവതരണവേദിയിൽ സജീവമായി ഇടപെടുന്ന എമിൽ  കോഴിക്കോട് കേന്ദ്രീകരിച്ച്  'തീയേറ്റർ കമ്പനി' എന്ന സംഘത്തിന്  രൂപം നൽകി . 

ഇമേജ് ബുക്ക്, മരണാനുകരണം, നോ ബ്ലഡ് ഇൻ മക്‌ബത്ത്, സമത്വവാദി, പാത്തുമ്മയുടെ ആട് എന്നിവയാണ് സംവിധാനം നിർവഹിച്ച പ്രധാന നാടകങ്ങൾ. നിരവധി ഷോർട്ട് ഫിലിമുകൾ സംവിധാനം ചെയ്തിട്ടുണ്ട്. അപ്പകുഞ്ഞുങ്ങളുടെ ആകാശയാത്ര, വയിറ്റ് പേപ്പർ, കുമരു, അരങ്ങിലെ ഉടൽ കത്തുമ്പോൾ- ലോകത്തിനു തീ പിടിക്കുന്നു എന്നിവയാണ് പ്രസിദ്ധീകരിച്ച പ്രധാന കൃതികൾ.

In this  Malayalam episode, contemporary theatre artist Emil Madhavi shares his artistic process and theatre experiences.     

This episode is a tribute to V Ramamurthy ( 1935- 2021) , the legendary theatre light designer and teacher. The tribute is done by his good friend, theatre director and academic Prof. Kumara Varma.

More about V Ramamurthy : https://sangeetnatak.gov.in/sna/citation_popup.php?id=206&at=4

Thanks : Bio link from SNA New Delhi and photo from internet.

NB: For better listening experience please use earphones.

സംവിധായകൻ, എഴുത്തുകാരൻ, നടൻ, അധ്യാപകൻ എന്നീ നിലകളിൽ സാംസ്കാരികരംഗത്ത് പ്രശസ്തനായ പി ബാലചന്ദ്രൻ എന്ന നമ്മുടെ ബാലേട്ടൻ. ഈ പോഡ്‌കാസ്റ്റിലൂടെ ബാലേട്ടനെ ഓർക്കുന്നു, ഒപ്പം ബാലേട്ടന്റെ ക്ലാസിന്റെ ഓഡിയോ രൂപവും.

പാലാ തീയേറ്റർ ഹട്ട്, പൊൻകുന്നം ജനകീയ വായനശാല, പനമറ്റം ദേശീയവായനശാല, കിഴതടിയൂർ സർവീസ് സഹകരണബാങ്ക് എന്നീ സംഘങ്ങളുടെ നേതൃത്വത്തിൽ 2012 മുതൽ 2013 വരെ 'സംസ്കാരം ജനങ്ങളാൽ' എന്ന ഒരു വർഷം നീണ്ടുനിന്ന ദേശീയ ശില്പശാല കോട്ടയം ജില്ലയിലെ പൊൻകുന്നത്തും, പാലായിലും, പനമറ്റത്തും നടന്നു. പ്രൊഫ. എസ് രാമാനുജം മാസ്റ്റർ നേതൃത്വം കൊടുത്ത ആ ശില്പശാലയുടെ തുടക്കത്തിൽ, 2012 നവംബർ മാസം 29ന് ബാലേട്ടൻ 'നാടകവേദിയും രംഗാവതരണവേദിയും' എന്ന ക്ലാസ് നയിച്ചു.

ബാലേട്ടൻ സംസാരിക്കുന്നു,

1967ലെ ശാസ്താംകോട്ട നാടക കളരിയെക്കുറിച്ച്...

പ്രൊഫ. എസ് രാമാനുജം  മാസ്റ്ററിനെക്കുറിച്ച്...

പ്രൊഫ. ജി ശങ്കരപ്പിള്ള സാറിനെക്കുറിച്ച്...

ജീവിതത്തെക്കുറിച്ച്...

നാടകത്തെക്കുറിച്ച് ...

സിനിമയെക്കുറിച്ച്‌...

അഭിനയത്തെക്കുറിച്ച്...

ഇടത്തെക്കുറിച്ച്...

സമയത്തെക്കുറിച്ച്...

പ്രേക്ഷകരെക്കുറിച്ച്...

സൂചനയെക്കുറിച്ച്...

വിസ്‌മൃതിയെക്കുറിച്ച്...

രചിതപാഠത്തെക്കുറിച്ച്...

രംഗപാഠത്തെക്കുറിച്ച്...

ധ്വനിപാഠത്തെക്കുറിച്ച്...

സിദ്ധാന്തങ്ങൾക്കപ്പുറം ജീവിതവുമായി ബന്ധപ്പെടേണ്ട കലയെക്കുറിച്ച്...

പലതും ചെയ്യാതിരിക്കുന്നതിനെക്കുറിച്ച്...

ജൈവീകതയെക്കുറിച്ച് ...

ഗുരു അമ്മന്നൂർ മാധവ ചാക്യരെക്കുറിച്ച്...‌

ആനന്ദത്തെക്കുറിച്ച്...

കേൾക്കാം ബാലേട്ടന്റെ രസകരമായ നീണ്ട വർത്തമാനം നിറഞ്ഞ ഒരു പോഡ്കാസ്റ്റ്.

ഓഡിയോ: തീയേറ്റർ ഹട്ട് ആർകൈവ്.

Well-known Malayalam theatre and film director, writer, academic and actor P Balachandran (Balettan) passed away on 5th April 2021. This episodes is a tribute to Balettan. The episode contains the audio of his theatre class which was taken at Ponkunnam on 29th November 2012.

Photo from internet

ഒരു കലാകാരൻ എങ്ങനെയാണ് നാടകങ്ങൾക്ക് ജന്മം കൊടുക്കുന്നത് ? നമ്മെ ചേർത്തുപിടിച്ച് അനുഭവലോകത്തേക്ക് നയിക്കുന്ന രംഗ പ്രയോഗങ്ങളെന്തൊക്കെയാണ് ? പാട്ടും ആട്ടവും നിറഞ്ഞ ആദിമ ജനതയുടെ ദർശനങ്ങളും ചരിത്രവും രംഗഭാഷയായി മാറുന്നതെങ്ങനെയാണ്? അവതരണങ്ങളെ നിലനിർത്തുന്ന ഘടകങ്ങൾ എന്തൊക്കെയാണ്?

കർഷകനും നാടക പ്രവർത്തകനും എഴുത്തുകാരനും സാമൂഹിക-വിദ്യഭ്യാസ പ്രവർത്തകനുമായ കെ. ജെ. ബേബി സംസാരിക്കുന്നു. എഴുത്തിനെക്കുറിച്ച്‌, നാടകങ്ങളുടെ രൂപീകരണത്തെക്കുറിച്ച്‌, പഠനങ്ങളെക്കുറിച്ച്‌, പ്രയോഗങ്ങളെക്കുറിച്ച്‌, നാടക യാത്രകളെക്കുറിച്ച്‌. ടെക്നോ ജിപ്സിയുടെ Project AAA എന്ന സീരീസിന്റെ ഭാഗമാണ് ഈ ലക്കം.

കേൾക്കാം, കെ. ജെ. ബേബിയുടെ പാട്ടും പറച്ചിലും നിറഞ്ഞ ഒരു പോഡ്കാസ്റ്റ്.

പോഡ്കാസ്റ്റ് നല്ലവണ്ണം കേൾക്കുവാൻ earphones ഉപയോഗിക്കുമല്ലോ. 

In this podcast writer, activist and theatre artist K J Baby shares his process of theatre making, research and travels. Techno Gypsie proudly shares this episode which is a part of the series titled Project AAA.

Thanks : Rahul S (photo courtesy)

ഇന്ത്യൻ തീയേറ്ററിൽ നവ ഭാവുകത്വത്തിനു രൂപം നൽകിയ സംവിധായകനും, ഡിസൈനറും, സംഘാടകനും, അദ്ധ്യാപകനുമായ പത്മശ്രീ ബൻസി കൗൾ 2020 ഫെബ്രുവരി 06ന് അന്തരിച്ചു. ഭോപ്പാലിലെ രംഗ് വിദൂഷക് എന്ന തന്റെ സംഘത്തിലൂടെ ജനപ്രിയ നാടോടി നാടകങ്ങളിൽ നിന്നും കോമാളി സങ്കല്പത്തിലുള്ള രംഗഭാഷയ്‌ക്ക്‌ ബൻസി കൗൾ രൂപം നൽകി. കുഗ്രാമത്തിലും മഹാനഗരങ്ങളിലും ഒരേസമയം പ്രവർത്തിച്ചുകൊണ്ട് നാടകങ്ങൾക്കും സാംസ്‌കാരിക പ്രവർത്തനങ്ങൾക്കും വേണ്ട രൂപകൽപനകൾ നടത്തി വിശാലമായ ജനകീയ രംഗവേദിയെ സജ്ജീവമാക്കി. 

ബെൻസി കൗളുമായുള്ള തന്റെ വൈകാരികമായ ബന്ധത്തെക്കുറിച്ചു അദ്ദേഹത്തിന്റെ വിദ്യാർത്ഥിയും, നടനും, സംവിധായകനും, ഡിസൈനറുമായ കുമാരദാസ് റ്റി എന്‍ സംസാരിക്കുന്നു. ബൻസി കൗളിനോടുള്ള ശ്രദ്ധാഞ്ജലിയാണ് ഈ പോഡ്കാസ്റ്റ്.

Indian theatre director and designer Padma Shri Bansi Kaul passed away on 6th February 2021. His student, contemporary actor, director and designer Kumaradas T N remembers Shri Bansi Kaul.

Thanks  : Shalini Katithwas ( For the poem) 

രോഹിത് വെമുലയുടെ  ആ ഫോട്ടോഗ്രാഫ് ആരാണ് എടുത്തത്? എപ്പോൾ, എവിടെ, എങ്ങനെ ആ ഫോട്ടോഗ്രാഫ് എടുത്തു?

ആ ഫോട്ടോഗ്രാഫ് എടുത്ത അതുൽ ആദ്യമായി സംസാരിക്കുന്നു... 

പല മാധ്യമങ്ങളിലൂടെ ആ ഫോട്ടോയ്യ്ക്കു വന്ന രൂപ മാറ്റങ്ങളെക്കുറിച്ച്, 

ഓർമ്മകളും, സമരവും, മരണവും, മുറവിളികളും, നിശ്ശബ്ദതകളും നിറഞ്ഞ സർവകലാശാലയിലെ നിമിഷങ്ങളെ അതുൽ ഓർത്തെടുക്കുന്നു. 

ജാതി വിവേചനത്തിനെതിരെ പൊരുതിയ രോഹിത് വെമുലയെ ഈ പോഡ്കാസ്റ്റ്  സ്മരിക്കുന്നു.

Athul M took the photograph of Rohith Vemula which was shared widely. Athul shares his memories on Rohith Vemula and the photograph.

സമകാലിക രംഗാവതരണ, അവതരണ മേഖലയിലെ കലാകാരനാണ്  അലിയാർ അലി. തൃശ്ശൂർ കേരള വർമ്മ, തൃശ്ശൂർ സ്കൂൾ ഓഫ് ഡ്രാമ,  ഡൽഹി നാഷണൽ സ്കൂൾ ഓഫ് ഡ്രാമ, ലണ്ടനിലെ റാഡ എന്നിവടങ്ങളിൽ  പഠിച്ചു. കായിക അവതരണ വേദിയിൽ ഗവേഷണം നടത്തി. ദേശീയവും അന്തർദേശീയവുമായ രംഗാവതരണങ്ങളിൽ  പ്രവർത്തിച്ചു. പാലക്കാട് കേന്ദ്രികരിച്ചു രൂപം നൽകിയ അത്‌ലറ്റ്  കായിക രംഗവേദിയുടെ ആർട്ടിസ്റ്റിക് ഡയറക്ടർ ആണ്. ഡിസൈൻ, സീനോഗ്രാഫി, സംഘാടനം, സംവിധാനം, പെർഫോമൻസ് എന്നീ മേഖലകളെക്കുറിച്ച് അലിയാർ സംസാരിക്കുന്നു. അലിയാർക്കൊപ്പം ആർട്ടിസ്റ്റ് ഷാന്റോയും നടൻ വിനോദും പങ്കുചേരുന്നു.

In this  Malayalam episode, contemporary theatre artist Aliyar Ali shares his artistic process and theatre  experiences. He is joined by his co artist Shanto and actor Vinod.

സമകാലിക രംഗാവതരണ കലാകാരൻ വരുൺ മാധവൻ തന്റെ കലാ ജീവിതം, ചിന്തകൾ, സംവിധാന രീതികൾ, കോവിഡ് പ്രതിസന്ധി തുടങ്ങിയ കാര്യങ്ങൾ പങ്കുവയ്ക്കുന്നു. പാലക്കാട് കടമ്പഴിപ്പുറം സ്വദേശിയായ വരുൺ നാട്യശാസ്ത്രയിലെ നാടക പ്രവർത്തനങ്ങളിലൂടെ കലാരംഗത്തെത്തി. കഥകളി പഠിച്ചരങ്ങേറി. ചരിത്രത്തിൽ ബിരുദാനന്തര ബിരുദവും, ബി എഡും നേടി. പിന്നീട് യൂണിവേഴ്സിറ്റി ഓഫ് ഹൈദരാബാദിലെ തീയേറ്റർ ആർട്ട്സിൽ നിന്നും സംവിധാനത്തിൽ ബിരുദാനന്തര ബിരുദവും നേടി. ഹൈദരാബാദിൽ കുട്ടികളുടെ നാടക അധ്യാപകനായിരുന്നു. ദേശീയവും അന്തർദ്ദേശിയവുമായ കലാകാരന്മാർക്കൊപ്പം പ്രവർത്തിച്ചു. കുറുക്കന്റെ കല്യാണം, ബാക്ക് ബെഞ്ച്,സൺ ഗ്ലാസ്, ചരിത്ര ഗാലറി എന്നിവയാണ് പ്രധാനപ്പെട്ട നാടകങ്ങൾ. ഇപ്പോൾ പാലക്കാട് ജില്ല കേന്ദ്രികരിച്ചു നാടക പ്രവർത്തനം നടത്തുന്നു. ഈ പോഡ്‌കാസ്റ്റിൽ  വരുണിന്റെ സംഘത്തിലെ കലാകാരന്മാരായ കൃഷ്ണ പ്രകാശും അരുൺ ജയകൃഷ്ണനും കൂടെ ചേരുന്നു.

In this  Malayalam episode, contemporary theatre artist Varun Madhavan shares his thoughts on theatre, direction, collaboration, text and performance, Pandemic and artistic life. He is joined by his co artists Arun and Krishna Prakash.

ഡൽഹിയിൽ നീതിക്കു വേണ്ടി, ജീവിക്കാൻ വേണ്ടി കർഷകരുടെ സമരം നടക്കുകയാണ്. ടെക്നോ ജിപ്സി ഈ പോഡ്‌കാസ്റ്റിലൂടെ ദൽഹി ചലോ സമരത്തിന് ഐക്യദാർഢ്യം പ്രഖ്യാപിക്കുന്നു.

കർഷകനും, നാടൻപാട്ട് കലാകാരനും, സാമൂഹിക പ്രവർത്തകനുമായ  തങ്കച്ചൻ കല്ലറക്കൊപ്പം , കുട്ടനാട് കർഷക- മത്സ്യ- പരിസ്ഥി കൂട്ടായ്മ സമിതിയും ചേർന്ന്  ഡൽഹിയിൽ സമരം ചെയുന്ന കർഷകർക്കായി  ഐക്യദാർഢ്യം പ്രകടിപ്പിച്ചുകൊണ്ട് പാട്ട് പാടുന്നു.

കുറിപ്പ് : പോഡ്കാസ്റ്റ് നല്ലവണ്ണം കേൾക്കുവാൻ  earphones ഉപയോഗിക്കുമല്ലോ.

This is an episode in solidarity to the farmers’ strike in New Delhi.

In this episode farmers , fishermen and ecological collective from Kuttanadu, Kerala with Thankachan Kallara are expressing their solidarity with a song.

NB:  For better listening experience please  use earphones.

#DilliChalo | #StandWithFarmers

സമകാലിക രംഗാവതരണ കലാകാരി സുരഭി എം എസ് വർത്തമാനത്തിൽ പങ്കെടുക്കുന്നു. സുരഭിക്കൊപ്പമുള്ള ഈ പോഡ്‌കാസ്റ്റിൽ നാടക പ്രവർത്തകൻ  സക്കറിയ സി  പങ്കുചേരുന്നു. അഭിനേത്രി, രചയിതാവ്, സംവിധായിക, അക്കാദമിക്ക് എന്ന രീതികളിലെല്ലാം സുരഭി രംഗാവതരണമേഖലയിൽ ഇടപെടുന്നു. പൊന്നാനിയിലെ ഗ്രാമീണ നാടകവേദിയിലൂടെ അമേറ്റർ നാടക രംഗത്തെക്ക് സുരഭി പ്രവേശിച്ചു. കാലടി ശ്രീ ശങ്കരാചാര്യ സംസ്‌കൃത സർവകലാശാലയിൽ നിന്നും രംഗാവതരണത്തിൽ ബിരുദാനന്തര ബിരുദം, കോട്ടയം എം ജി യൂണിവേഴ്സിറ്റിയിൽനിന്നും എംഫിൽ, തൃശ്ശൂർ സ്കൂൾ ഓഫ് ഡ്രാമയിൽ നിന്നും പി എച്ച് ഡി എന്നിവ പൂർത്തിയാക്കി. സുരഭിയുടെ ഒറ്റയാൾ നാടകങ്ങൾ പുതു സമീപനങ്ങൾ നിറഞ്ഞവയാണ്. പൊന്നാനി കേന്ദ്രമാക്കി പ്രവർത്തിക്കുന്ന 'CLAY Play House' എന്ന നാടക സംഘത്തിന്റെ മുഖ്യ സംഘാടകയായ സുരഭി ഘോര രാക്ഷസം എന്ന ഒറ്റയാൾ നാടകമാണ് ഇപ്പോൾ ചെയ്തുവരുന്നത്. ടെക്നോ ജിപ്സി പോഡ്‌കാസ്റ്റിന്റെ പ്രാദേശിക ഭാഷയിലുള്ള പരമ്പരയുടെ ഭാഗമാണ് ഈ ലക്കം .

കുറിപ്പ് : പോഡ്കാസ്റ്റ് നല്ലവണ്ണം കേൾക്കുവാൻ  earphones ഉപയോഗിക്കുമല്ലോ. 

In this  Malayalam episode, contemporary theatre artist Surabhi M S shares her theatre experiences and artistic process. She is joined by her co artist Zakariya C.

NB:  For better listening experience please  use earphones.