Það er hægt að fullyrða að leiðtogafundur Evrópuráðsins í Hörpu verður sögulegur. Þetta er að minnsta kosti í fyrsta sinn í sögunni sem viðburður af þessari stærðargráðu er haldinn á Íslandi. Það er búist við um þúsund manns til landsins á einu bretti. Það verða lokanir, það er búið að græja lögregluna upp, það verða umferðartafir og kannski tölvuárásir. En hvernig verður þessi fundur, af hverju er hann hér og hverjir mæta?

Sunna Valgerðardóttir ræðir við Odd Þórðarson fréttamann í þessum fyrri þætti af tveimur um leiðtogafund Evrópuráðsins sem verður haldinn í Hörpu 16. og 17. maí 2023. Þau skoða fólkið sem stjórnar Evrópu, ráðið sem þau sitja í og hverju Reykjavíkurfundurinn á að skila.