Föstudagsgesturinn okkar í dag og síðasti föstudagsgestur Mannlega þáttarins að sinni var Tobba Marinós. Í næstu viku hefjast Sumarmál hér á Rás 1 en það er árlegur Sumarþáttur sem er á dagskrá frá klukkan 11-14, þar renna saman Mannlegi þátturinn og Samfélagið og umsjónarmenn þetta sumarið verða Guðrún og Gunnar, Leifur Hauksson, Þórhildur Ólafsdóttir, Margrét Blöndal og Gígja Hólmgeirsdóttir. En sem sagt var það Tobba Marinósdóttir fjölmiðlakona, ritstjóri og rithöfundur sem var föstudagsgestur. Við spjölluðum við hana um ferðalagið í gegnum lífið til dagsins í dag og hún sagði frá granólaframleiðslu og granólabarinn sem opnar fljótlega á Grandanum.

Matarspjallið var í góðum höndum í dag enda kom Sigurlaug Margrét aftur og fletti hún í gegnum bækurnar Karolines Kökken og Karolines Kögebog. Sigurlaug svipti hulunni af þeim leyndardómi sem í bókunum leynist í þætti dagsins.

UMSJÓN GUÐRÚN GUNNARSDÓTTIR OG GUNNAR HANSSON