Todos os podcast | A penaltis

“Foi a rodaxe onde vin máis xestión emocional”

“A nominación recoñece a todo o equipo”

“Sacar unha superprodución coma esta con China foi un reto de case 12 anos”. Falamos coa actriz Lucía Veiga, o director de produción Carlos Amoedo e mailo director de animación e guionista, Xosé Zapata. Son tres dos galegos candidatos aos Goya que se entregan este sábado en Granada por “Soy Nevenka” (como actriz revelación), "Segundo premio” e “Dragonkeeper” respectivamente.

Repasamos as obras finalistas nos premios do audiovisual galego, nas que a serie 'Rapa' e os filmes 'As neves', 'Honeymoon' e '+Cuñados' acaparan 40 candidaturas.

A gala de entrega desenvolverase por primeira vez en Lalín, o 15 de marzo. Álvaro Pérez Becerra, presidente da Academia Galega do Audiovisual, e a presentadora Teté Delgado,

avánzannos algúns pormenores da vixésimo terceira edición da festa do cine e a televisión do país, baixo o lema 'O audiovisual en movemento'.

Tito Lesende pica hoxe o último avance do novo disco de De Ninghures. 'En fin que máis dá' é unha peza 'tuareg enxebre' na que Xoel López colabora nas guitarras. Escoitamos tamén novo material do noiés Rhome e avanzamos a axenda de concertos dos próximos días con cancións de León Benavente e Virginia Maestro.

María Callas, do chileno Pablo Larraín: En 2016 fixera “Jackie” sobre a ex-primeira dama estadounidense Jacqueline Kennedy e en 2021 “Spencer”, centrada nun momento concreto da vida de Lady Di. A actriz que dá vida a María Callas é Angelina Jolie. “A convulsa, fermosa e tráxica historia da vida da mellor cantante de ópera do mundo, revivida e reimaxinada durante os seus últimos días no París dos anos 70”.

"A Rede Fantasma" fala de Hamid, un profesor sirio no exilio, que forma parte dun grupo secreto que dá caza aos líderes fuxitivos do réxime. A súa misión lévao a Francia, seguindo o rastro do seu antigo torturador. A vinganza coa que leva anos obsesionado está a un paso. Baseada en feitos reais.

Manel craneo descríbenos a súa experiencia no 52º Festival de banda deseñada de Angoulême. Fálanos do que alí atopou: exposicións, espectáculos, obradoiros... e da presenza de creadores españois nunha carpa patrozinada polo Ministerio de Cultura.

Raquel C. Pico contounos como e cando chegou a pizza a Galicia, unha historia ben interesante!

Mónica Maneiro lévanos á exposición "Ollos de vidro. As formas doutra historia de Galicia", que se pode visitar no Auditorio de Galicia en Compostela. A mostra, comisariada por Germán Labrador, está composta por case trescentas pezas de diversos autores coas que se pretende ofrecer unha visión alternativa da historia e a identidade de Galicia

Conversamos co contrabaixista Xacobe Martínez Antelo e o batería LAR Legido, que forman Sumrrá co pianista Manuel Gutiérrez. Repasamos unha traxectoria de 25 anos que comezou nas jams do Dado Dadá e que hai uns meses os levou a colaborar con Niño de Elche. E escoitamos algúns dos seareiros que peregrinan cada domingo á Casa das Crechas de Santiago para vivir a experiencia de velos en directo.

Rinoceronte Editora publica en galego "A muller xeada", libro da premio Nobel Annie Ernaux. É a terceira obra que traduce da autora francesa. Dolores Vilavedra comenta este texto, nacido da experiencia vital de Ernoux, que narra como se aprende a ser muller nunha sociedade patriarcal.

É un dúo formado polo músico de Catoira Lucas de Centi (ao que coñecíamos por liderar proxectos como Néboa ou Mel ou polas súas colaboracións con Xosé Lois Romero e Alibroria) e o portugués Joao Neves, unha figura prominente do circuíto alternativo luso.

Teñen ademais outro importante nexo común: ambos forman parte do entorno artístico de Baiuca, a quen Lucas incluso acompaña ocasionalmente en directo.