Todos os podcast | A penaltis

Turismo, cultura e arte danse cita na sétima edición de Compostela Ilustrada, que busca descubrir e promocionar unha cidade diferente. Conversamos con Gemma Sesar, organizadora do encontro, e coa ilustradora e tatuadora Aldara Prado, unha das convidadas

“Intentar facer con moi pouco o máximo”. Hector Francesch presenta en AFundación o seu traballo último. Cadros que nunca pintei é “a arte soñada”

Mónica Maneiro comenta a mostra do artista e deseñador portugués José Lourenço na Galería Trinta de Santiago. Inspirado nos arquitectos e deseñadores do século XX, Lourenço 

recrea ambientes interiores que mostran a vida cotiá como un libro aberto. A exposición pode visitarse ata o 15 de decembro.

Dolores Vilavedra comenta a obra gañadora do premio Abrente 2023 para textos teatrais: “Manual de padronaxe”, de Nerea Brey.

Pablo Sánchez Quinteiro tráenos hoxe música de Beethoven: a Sinfonía Pastoral, que formou parte do repertorio da Sinfónica de Galicia en dous concertos que comezaron

cun recordo ás vítimas da DINA en Valencia. Escoitamos tamén ópera, 'Madame Butterfly', prato forte da temporada de Amigos da Ópera en Vigo. Poñemos o ramo coa voz 

da soprano Emilia Pérez, do Carballiño, unha das novas voces galegas que acolle a Real Filharmonía de Galicia na programación desta temporada.

Coñecemos a historia do primeiro videoxogo galego, 'The Wall', comercializado en 1986, e mais do seu creador, Álex González. Unha peripecia que rescata do esquecemento o Museo do Videoxogo, que acaba de incorporarse ao Sistema autonómico de museos.

Carlos Crespo tráenos hoxe a Garza. Trátase do proxecto de música electrónica formado por Adrián Charlín, batería durante anos en diferentes bandas do panorama rock galego. Agora discorre entre o experimental e noise ata a música de club más transitable.

Este ano sacou o segundo longa duración: «Vertentes»

“Apostamos por un festival con todo tipo de jazz” Comeza o XXXIV Festival Internacional de Jazz de Lugo que colle unha destacada presenza de proxectos galegos.

Eva Mejuto proponnos lecturas para todas as idades nestes días de Defuntos. 'Jack e a morte', un álbum ilustrado de Tim Bowley e Natalie Pudalov e mais 'Medo me dá!', unha obra de teatro infantil de Ramón D. Veiga.

Afonso Becerra debulla as sete propostas que concorreron a pasada fin de semana na Coruña ao VII Festival Pezas dun Teatro do Porvir 2024. Este festival, único en Galicia, busca promover proxectos de artes escénicas en proceso de creación, ofrecendo un espazo de intercambio entre creadores galegos e portugueses. A obra seleccionada para representarse íntegra o ano vindeiro foi Ninguén tira fotos nos enterros, de Carlota Mosquera.