Todos os podcast | A penaltis

A profundidade esencial da terra. Benjamín Palencia, Manuel Colmeiro e o surrealismo dos anos trinta.

Da man de Isabel Freire achegámos a esta exposición no Museo de Arte Contemporánea de Vigo, comisariada por Carlos López Bernárdez.”Coinciden na atracción polas culturas que na época eran denominadas “primitivas”, polo popular e pola fascinación etnográfica”

Escoitamos con Tito Lesende tres voces imprescindibles da música galega: Nuno Pico, de Grande Amore, galeguizando a Muchachito Bombo Infierno en 'Que pode saír mal'; 

Álex Guillán, Baiuca, que tocará cando menos tres días seguidos en Santiago a finais de xaneiro e mais Eladio Santos, que publicou recentemente 'Estëreo Estrada', un disco en solitario.

A oitava edición do Festival de Fotografía da Coruña ofrece dúas exposicións de Bandia Ribeira e Sebastián Bruno que retratan Gales tralo proceso de desindustrialización.

Ademais, o Ffoco acolle toda unha xornada de actividades ao redor da fotografía documental o sábado 2 de novembro: proxeccions de traballos fotográficos,

feira de fotolibros ou un debate sobre fotografía e turismo

Moncho Lemos comenta “O corpo aberto”, de Ángeles Huerta, que xa se pode ver na plataforma da CRTVG Agalega.gal

E das estreas en salas “Escape”, escrita, dirixida e coproducida por Rodrigo Cortés, baseada na novela homónima de Enrique Rubio.

Mañá remata a rodaxe de Onte á noite conquistei Tebas, de Gabriel Azorín

As termas de Bande son o escenario da historia duns mozos portugueses que cruzan a raia para bañárense nelas. Dous mil anos atrás están alí facendo o mesmo uns soldados romanos de idades semellantes. Trata do paso da adolescencia á idade adulta dende a óptica masculina, como salienta a produtora galega do filme, Beli Martínez.

Manel Cráneo analiza o estado do cómic nas bibliotecas galegas e a creación de bedetecas dedicadas só a este xénero.

Comeza na Coruña a oitava edición do Festigual, un festival que reivindica o acceso á cultura para todas as persoas.

Do 30 de outubro ao 29 de novembro o encontro ofrece espectáculos de teatro, música e danza, exposicións e obradoiros participativos.

Raquel C. Pico tráenos as primeiras novelas galegas de pantasmas. De ‘Un ollo de vidro’ de Castelao a ‘A miña muller’, de Wenceslao Fernández Flórez

Arranca en Ribeira a sétima edición de Mares da Fin do Mundo.

Unha mostra internacional de cinema documental comprometida co medio marítimo e co sector pesqueiro artesanal que se alonga ata o domingo.

A película inaugural, esta tarde ás cinco no auditorio, é “Remando a la deriva”, de Sarvnik Kaur.

Patty Castro pica hoxe música de Zënzar, todo un exemplo de resistencia e evolución dentro do rock galego. En 2023 celebraron '35 anos bourando' e agora a súa baixista Laura Romero prepara un proxecto

sobre a banda que une música e ilustración. Escoitamos tamén a música de Teima, un grupo de Vimianzo xa disolto que chegou a ser finalista dos Premios Martín Códax.