Todos os podcast | A penaltis

Nace unha Mostra de Teatro en Bergondo

A I Mostra de Teatro no Mosteiro quere ofrecerlle a esta comarca coruñesa unha cita anual co teatro. A Mostra nace do grupo amador local, Catro Gatos, que inaugura o evento o venres 27 de setembro coa súa versión de Río Bravo, o clásico que a compañía Chévere estreou en 1990. Conversamos co director da peza, Tone Martínez, e cun dos integrantes do elenco, Óscar García.

Afonso Becerra comenta Suores de Mel e a Morte Não Terá Domínio. Un espectáculo dos portugueses NuIsIs ZoBoP que conmemora o cincuenta aniversario da Revolución dos Cravos.

“ A loba Branca fala de vinganza e tamén de redención”. Brais González, compositor e director desta ópera galega.

A música está inspirada nun relato de Vicente Risco que discorre no Courel. Ritmos complexos, texturas ambientais e fusión coas músicas de tradición oral e urbanas. Hoxe ás 19h no Principal de Ourense.

"Hai unha certa idade na que de repente perdemos o público"

Os Náufragos Teatro estrea Bulebule, un espectaculo sobre o TDAH e o valor da diversidade que retoma o ronsel do premiado Hugo.

Tito Lesende repasa a programación do festival Noites do Porto, na Coruña, no que actúan Bala o venres 27 de setembro.

Tamén escoitamos cancións novas d'O Portughés e mais de Mariagrep.

Ata o 29 de setembro o festival MARÉ celebra a diversidade con concertos en diferentes espazos de Santiago de Compostela.

A Pedreira, Albert Pla, Ana Lua Caiano, Francisco, el Hombre ou Alana son algúns dos artistas que participan neste encontro con músicos

de dez países diferentes, que incorpora nesta edición un espazo profesional. Conversamos co coordinador do festival, Quique Costas, e con Sés, 

que actúa no Teatro Principal en formato trío.

Moncho Lemos comenta dúas estreas de cine baseadas en feitos reais.

*Soy Nevenka, de Icíar Bollaín, relata a historia da concelleira que denunciou ao alcalde de Ponferrada por acoso.

*La virgen roja, de  Paula Ortiz, é outra revisión do caso Hildegart, un dos crimes máis célebres da crónica negra española.

“ É o disco de divertirme”.

Barullo é o terceiro álbum de estudio de Baiuca, con máis electrónica aínda e ritmos máis rápidos. Está callado de colaboracións e ten por obxectivo é poñer a xente a bailar.

“O cadro tamén mira”. Ánxel Huete expón na Coruña obra recente. A Galería Nordés acolle a exposición “A pintura que mira” comisariada por Juan de Nieves

Manel Cráneo lévanos á aldea de Astérix... ou máis ben ao parque temático que a recrea desde hai 35 anos.

Unha oportunidade de pasear entre os personaxes dun dos cómics máis lido do mundo e moi querido en Galicia,

onde dispoñemos dos álbums da serie traducidos á nosa lingua.