Todos os podcast | A penaltis

Falamos co arquitecto Ricardo Varela, experto na materia, dos xardíns históricos que hai en Galicia.

Son coñecidos? Corren perigo?

Habitar o baleiro rexistra un rural que esmorece e as novas formas de vida que asoman. O Museo do Pobo Galego acolle a exposición con fotografías de Brais Lorenzo: “Propuxémonos mostrar as luces e as sombras”. Unha exposición coordinada por Tono Arias: “O rural en Galicia é como se pasara un terremoto”. Falamos con eles.

A escolma musical de Tito Lesende ábrese esta semana con Queens of the Stone Age, que actuarán o 18 de xuño na Coruña, acompañados de Bala. Entre as novidades, 'O Movemento' de Sheila Patricia, producido por Berto, e un aperitivo dun novo proxecto, RSK Emocional. Poñemos o ramo cunha rancheira mariñá de 'Basal', o disco que está a piques de publicar A Pedreira.

Ignacio Pérez-Jofre percorre a cidade buscando significados e obxectos, que se converten en ideas e soporte físico para o seu traballo artístico.

A súa nova exposición abre portas, literalmente, para desvelar que hai dentro delas. 'Abrir una puerta' pode visitarse no Espazo SVT de Vigo.

As estreas da semana;

*La bandera, comedia dramática  dirixida por Hugo Martín Cuervo  e escrita por Guillem Clua, que adapta a súa obra de teatro Al damunt dels nostres cants.​

Con Imanol Arias, Ana Fernández, Miquel Fernández, Aitor Luna e Antón Lofer. 

*Sleeping dogs, película estadounidense de suspense e misterio criminal que supón a estrea na dirección de Adam Cooper. Está protagonizada por Russell Crowe e Karen Gillan e é unha adaptación da novela de 2017 The Book of Mirrors de E.O. Chirovici

O artista presenta na asociación Évame Oroza a  exposición  Dende o lugar que buscamos que reúne os traballos “As casiñas dos desexos” e “Fronteiras”. “O que define cando algo é arte é o seu contido poético”. Falamos con Tono Carbajo

Clásicos do Barroco interpretados con marimba, unha historia de enredos nunha corte europea, malabares, bailes e moito humor. Son os ingredientes de 'Molto Barroco',

o terceiro espectáculo de Píscore Teatro, unha compañía formada por catro músicos metidos a teatreiros. Estreada en 2023, a montaxe chegará no mes de xullo ao festival

internacional de Almagro e no outono xirará polo Cantábrico dentro da programación de Camiño Escena Norte.

Repasamos os concertos sinfónicos que quedan para o remate da tempada.

Co propósito de crear redes e propiciar espazos de comunicación a Universidade da Coruña acolle o III Encontro Investigador de proxectos en curso. “Estudar a poesía das dúas últimas décadas ofrece desafíos, estás traballando cun obxecto de estudo vivo”. Falamos co investigador e coordinador do encontro, Isaac Lourido.

'Un lugar desprazado coma o meu corpo' é o título da mostra fotográfica de Sabela Eiriz que acolle a galería Néboa de Lugo e que pode visitarse ata o 29 de xuño.

Conversamos con Alba López Porto, directora de Néboa, sobre esta exposición e sobre o proxecto da galería, inaugurada a finais de novembro de 2023.