Todos os podcast | A penaltis

Co propósito de crear redes e propiciar espazos de comunicación a Universidade da Coruña acolle o III Encontro Investigador de proxectos en curso. “Estudar a poesía das dúas últimas décadas ofrece desafíos, estás traballando cun obxecto de estudo vivo”. Falamos co investigador e coordinador do encontro, Isaac Lourido.

'Un lugar desprazado coma o meu corpo' é o título da mostra fotográfica de Sabela Eiriz que acolle a galería Néboa de Lugo e que pode visitarse ata o 29 de xuño.

Conversamos con Alba López Porto, directora de Néboa, sobre esta exposición e sobre o proxecto da galería, inaugurada a finais de novembro de 2023.

Conversamos co filólogo Takekazu Asaka, embaixador da nosa lingua no Xapón durante décadas, e agora recoñecido pola RAG como académico de honra.

Tradutor ao xaponés de Rosalía de Castro, Cabanillas, Novoneyra ou Martin Codax, Asaka ensinou galego no Xapón e publicou manuais de aprendizaxe da lingua desde o xaponés.

Conversamos con este 'nipogalego' en Cambados, unha vila que coñece en profundidade.

Dolores Vilavedra recoméndanos hoxe Un anarquista, de Diego Ameixiras, do que di "é alta literatura"

Euloxio Ruibal, escritor, académico e renovador da dramaturxia galega contemporánea, será o sábado en Compostela O escritor na súa terra.

A homenaxe da AELG inclúe que semente en Galeras unha abeleira. Con el falamos.

Percorremos a Historia de Galicia a través das vías de comunicación, con Mario César Vila como guía. Desde as vías naturais e pasos de animais da Prehistoria ás autoestradas e vías férreas do presente,

pasando polas vías romanas ou os Camiños Reais.

Emilio Españadero adiántanos parte do programa da Festa da Carballeira de Zas, que o 9 de agosto arranca a súa 39 edición.

Escoitamos a Cantometrics, que o domingo vindeiro estarán no Lume na palleira

Con música, baile e palabra o Consello da Cultura Galega (CCG), o Museo do Pobo Galego e o Instituto da Lingua Galega da USC (ILG-USC) celebran o mércores vindeiro un acto de homenaxe para lembrar a figura de Dorothé Schubarth (Basilea, Suíza, 1944-2023).

Investigadora da música tradicional, autora do Cancioneiro popular galego, compositora e profesora... dela falamos con Antón Santamarina e Isabel Vigo

“Os museos teñen as ferramentas para achegar os materias de arquivo a públicos máis diversos”. Mela Dávila Freire analiza no Seminario Arquivos de aristas as posibilidades que abre para o museo a incorporación de conxuntos documentais aos seus fondos e articula seis propostas para a próxima década. Falamos coa investigadora.

As recomendacións lectoras para un mes de xuño orgulloso de Eva Mejuto: Elisa e Marcela, a publicación que recolle o texto da peza teatral do mesmo nome que a compañía A Panadaría levou por toda a Península e mais A receita do queixo lunar, de Paloma de Toro e Nuria Díaz.