Todos os podcast | A penaltis

O noso experto en cine tráenos dúas estreas para a fin de semana. Un drama, Secretos de un escándalo, e unha comedia española, Políticamente incorrectos.

Isabel Freire entrevista a Silvia García, comisaria da mostra ´Antía Cal, unha mestra innovadora`.

A exposición pode verse na sala Redeiras da Universidade de Vigo ata o 22 de marzo,

A compañía Producións Teatrais Excéntricas estrea 'Monstros'. É unha peza de teatro familiar sobre un texto de Lucía Aldao e María Lado. Neste Diario cultural conversamos con Marcos Orsi, director da montaxe.

A compañía Chévere estrea a montaxe 'Helen Keller, a muller marabilla?', unha obra que parte da figura da primeira persoa xordocega en titularse na Universidade, a estadounidense Helen Keller. O modelo de superación no que foi convertida agachou a súa faceta de activista en favor de causas como o pacifismo, o sufraxismo ou o comunismo. A compañía Chévere volve cuestionar os relatos oficiais neste espectáculo, que combina en pé de igualdade o galego e a lingua de signos e ironiza sobre as ferramentas do teatro documento.

O noso expero en música clásica achéganos unha proposta da RFG para mañá en Santiago e o venres en Vigo.

Coa dirección de Sebastian Zinca e Judith Jáuregui ao piano han interpretar Entropía, de Inés Badalo. Noches en los jardines de España (orq. Bética) de Manuel de Falla e Sinfonía en Re, de Juan Crisóstomo de Arriaga.

Falamos con Tito Asorey, director de ´Unha inimiga do pobo`, de Talía Teatro; Álex Sampaio, director de ´Hamelin`, de Redrum Teatro e Víctor Mosqueira, protagonista de ´O Auto do Castromil`, de Producións Teatrais ExcéntricAS en coprodución co CDG.

As tres montaxes son as favoritas para os premios María Casares, que se coñecerán no decurso da gala do vindeiro 21 de marzo.

"Gozamos dun momento moi bo creativamente, moi diverso e con moita xente nova”. Os Premios María Casares de teatro presentan finalistas da edición que rexistra maior participación da súa historia. Neste Diario cultural falamos con Arantza Villar, presidenta da AAAG.

Antón Reixa e Antela Cid recuperan personaxes da mitoloxía grega en 'Míticas pero secundarias'. Un díptico escénico que pecha a última edición ciclo 'Clásicas desfeitas' na Cidade da Cultura.

'A infeliz felicidade e o prezo do aceite' é unha conferencia satírica na que Reixa une a Polícrates e a Rosalía, mentres que en 'Tres somos ti' Cid encarna tres mulleres silenciadas pola dramaturxia clásica: Ismene, Crisótemis e Políxena. Será o 23 e 24 de febreiro ás 20:30 no Edificio Fontán da Cidade da Cultura.

Mónica Maneiro comenta a mostra 'Paco Pestana. O curto voo dun paspallás'. Un pequeno roteiro emocional por obras gardadas polos amigos. A mostra pode visitarse na Fundación Granell ata o 31 de marzo.

Dolores Vilavedra achéganos a tradución de Moisés Barcia para a editorial Rinoceronte desta novela de Alice Walker gañadora do Pulitzer.