Todos os podcast | A penaltis

Achegámonos ao Gaiás para coñecer a mostra adicada ao pintor de Forcarei, José María Barreiro, da man de Antón Castro, comisario da exposición.

Na sección de voces expertas, Estíbaliz Espinosa fala do Día Internacional da Muller e da Nena na Ciencia. Buscamos auga no sistema solar e preparamos follas de limón con Álvaro Cunqueiro.

"Queremos que a lingua e a cultura galega sexan transversais, que estean en todos os ámbitos". A nova Fundación Xistral proporcionará ferramentas para “conservar, enriquecer e difundir” a cultura galega. Falamos con Carlos Blanco, un dos responsables.

Fernando Freire é xastre. Aroa e Saúl aprenden con el a facer unha chaqueta de traxe. Este curso de xastrería tradicional forma parte do programa 'Aprender a tradición. Oficios e técnicas', que promove a Fundación Artesanía de Galicia para apoiar a remuda xeracional.

Na sección de voces expertas, Eva Mejuto recomenda lecturas para todas as idades coas que desfrutar do Entroido e da gastronomía. Neste Diario Cultural lemos 'Formigas. Misión Entroido', de Pere Tobaruela e Andrés Meixide, publicado na editorial Xerais. Tamén lemos 'Comer e ler en galego', unha iniciativa do CIFP Paseo das Pontes da Coruña.

O noso experto en Artes escénicas está en Guimaraes, asistindo á 13 edición do GUIdance. Cóntanos o máis salientable desta cita internacional coa danza contemporánea que remata mañá.

"O labor do cineasta radica en poder contar unha folla voando e que lle interese ao espectador”. 'Non te vexo', o último traballo do cineasta Xacio Baño, proxéctase na sección Lab do Festival Internacional de Curtametraxes de Clermont-Ferrand.

"Esta curta foi un proceso persoal moi catártico". Carmen Méndez debuta como directora con Pura, que se exhibe no Market Screening New Spanish Shorts do Festival Int de Curtametraxes de Clermont-Ferrand.

A galería Trinta de Santiago acolle a mostra 'Bosque animado (con Ángeles)', unha homenaxe do fotógrafo Vari Caramés á que foi a súa compañeira.

Neste Diario Cultural escoitamos as últimas cancións de Baiuca, Hydn e Eris Mackenzie, The Rapants e Travis Birds.