Todos os podcast | Convivir

Debullamos un proxeto da ONG Farmamundi dirixido a formar futuros profesionais do ensino na creación de espazos seguros e nunha educación inclusiva. Lucía Chaves fálanos do programa “Biocoidados”, que vai desenvolver o  Centro de Desenvolvemento Rural de Verín para mellorar a calidade de vida das persoas que viven na comarca fomentando a súa participación comunitaria. Coñecemos a asociación Pangono Pangono e os seus proxetos de solidariedade en Malawi. Ademáis, Rocío García preséntanos os clubes de saúde que organiza a Asociación Española contra o Cancro para achega-los seus servizos a zonas rurais da provincia da Coruña.

A integrante de ACADAR, Laura Quintas, expón o estudo realizado por esta asociación sobre a violencia sexual dixital que sofren as mulleres con discapacidade. A presidenta do Colexio Oficial de Xestores Administrativos de Galicia, Pilar Otero Moar. Fálanos da campaña "Coa renda non vaias a cegas" na que esta organización advirte dos riscos de presenta-la declaración con erros. O doutor Luis Prieto ilústranos da relación entre alimentos e vida sexual.

Interesámonos pola experiencia integradora do CEIP Ramón y Cajal de Vigo, onde conviven rapaces de máis de vinte nacionalidades. Conversamos co presidente da Asociación de Familiares con alzheimer de Galicia, Juan Carlos Rodríguez, sobre a apertura do primeiro centro no noso país que se dedicará á innovación para abordar o tratamento das demencias neurodexenerativas nas súas etapas máis temperás. Ademáis entrevistamos á embrióloga e psicóloga Gina Oller, que acaba de publicar o libro “Quiero ser mamá”

Hai catro décadas un grupo de nais con fillos drogodependentes crearon en Vigo Érguete. A asociación continúa traballando hoxe na prevención e intervención de conductas delituosas. Repasamos a historia e a actualidade de Érguete coa súa coordinadora, Elvira Rivas. O psicólogo clínico Pedro Santamaría, fálanos da depresión postparto. Anunciamos un desfile de moda inclusiva que se desenvolverá en Ferrol e a nosa colaboradora, Laura Castro, coméntanos algúns conflitos legais no ámbito da Intelixencia Artificial

Presentamos "Carmen AI" unha aplicación de móbil que nos permite obter información nutricional dos alimentos escaneando o seu código de barras. A pedagoga Isabel Gil fálanos dun sistema para comunicarse cos bebés a través de sinais. Coñecemos a Matilde Pache, unha moza que nada máis cumprir os 18 anos se fixo doadora de sangue e medula. A profesora Isabel Neira diserta sobre a empresa familiar.

Na Semana Mundial da Inmunización falamos da importancia das vacinas coa voceira de Unicef en Galicia, Irene Marín. Lugo acolle dous eventos solidarios esta semana. Entrevistamos aos seus organizadores. O chef, Javier Olleros, cóntanos en que consiste o festival "Nos seus pes", que recada fondos para a ONG ProemAID e a presidenta da Organización contra o cancro de Lugo, Mari Luz Abella, explícanos como se desenvolverá a marcha que prepara a súa asociación. O doutor Prieto asesóranos hoxe sobre a hixiene íntima.

Compostela acolle o primeiro Congreso Nacional de psicoloxía de Urxencias. Sobre el conversamos coa presidenta do comité organizador, Ana Núñez, e cun dos relatores, o xerente de AXEGA, Marcos Araujo. Entrevistamos ao investigador galego, Manuel Carreiras, que acaba de obter financiamento da Unión Europea para estudar as causas da dislexia; e a presidenta da Mancomunidade de Municipios Galegos do Camiño Francés, Olga Iglesias, fálanos do proxeto de realizar un novo documental sobre a rota xacobea.

Falamos da "Pontevedrada", unha andaina entre Pontevedra e Santiago que ten como obxectivo fomenta-las doazóns de órganos, sangue e tecidos. Andrea Iglesias, a coordenadora da Campaña Mundial pola Educación en Galicia, cóntanos as actividades que se están desenvolvendo co lema "Transformate pra con-vivir" para concienciar sobre o perigo dos discursos de odio.

A presidenta da Asociación Española Cáncer de Mama Metastásico, Pilar Fernández, axúdanos a divulgar unha grave doenza que causa máis de seis mil mortes en España cada ano. Presentamo-la campaña "Stop odio" , que desenvolve a ONG Igaxes co obxectivo de poñerlle freo aos discursos de odio racistas ou xenófobos. Achegámonos á xornada "Aprendendo a incluir" que organizan na Coruña a Fundación María José Jove e Cogami; e falamos do "equilibrio emocional no desempeño do traballo" co catedrático de psicoloxía do traballo e recursos humanos, Jesús Salgado,