Todos os podcast | En xogo motor

"Sempre teño que encontrar un elemento de vontade de innovación na forma cinematográfica". Lois Patiño presenta na Fundación Luís Seoane a exposición “Marea”. Con esta nova mostra explora a amplitude do visual e do narrativo, entre a observación e a palabra.

Esta semana presentouse en Nova York o proxecto 'As cordas invisíbeis', unha creación de dous artistas galegos que viven nos Estados Unidos. Aida Saco Beiroa naceu en Rianxo, pero vive en Nova York. Leva dous anos na prestixiosa Manhattan School of Music cunha beca do Ministerio de Cultura. Por outro lado, Marcos de la Fuente leva cinco anos integrado xa na escena poética de Nova York. Alí organiza eventos culturais e colabora con músicos e poetas americanos. Os dous artistas galegos atópanse en Nova York e unen forza creativa neste proxecto que mestura piano e voz, inspirados polo 'Duende' de Lorca que aínda -din- segue na cidade dos rañaceos.

Na sección de voces expertas, Eva Mejuto fala dos Premios da Fundación Catro Gatos que, desde hai dez anos, esculcan e escollen os mellores libros infantís e xuvenís de todo o mundo. Moitos dos premiados ou finalistas son de autoría galega: pode ser pola editora, polos escritores ou ilustradores ou ben porque tamén os temos en lingua galega.

Primeira parte do traballo dedicado aos poetas lugueses e ás poetisas (proximamente Na casa delas...) Vídeos que fan semblanza da vida e obra de poetas como Lorenzo Varela, Darío Xohán Cabana, Álvaro Cunqueiro, Uxío Novoneyra, Manuel María, Luis Pimentel, e o pobo galego como autor anónimo, e pezas musicais sobre a obra destes autores, interpretadas por Son de Corda acompañad@s por pianistas colaboradores.

Afonso Becerra preséntanos unha compañía de teatro de recente creación: Souvenir. Coa súa primeira peza ´Non é unha canción´, veñen de gañar a quinta edición do Festival Pezas dun teatro do Porvir.

"Sempre teño que encontrar un elemento de vontade de innovación na forma cinematográfica". Lois Patiño presenta na Fundación Luís Seoane a exposición 'Marea'. Con esta nova mostra explora a amplitude do visual e do narrativo, entre a observación e a palabra.

Begoña Vázquez fala con Antón Castro, un dos impulsores de ´Na casa deles´, unha iniciativa do grupo lugués Son de Corda que mestura voces e piano con textos de poetas lucenses coma Uxío Novoneyra ou Manuel María.

A voz experta desta edición é Afonso Becerra, que nos presenta a nova compañía galega de teatro Souvenir e a súa obra ´Non é unha canción´, premiada no V Festival Pezas dun teatro do Porvir.

Os galegos Aida Saco e Marcos de la Fuente presentan en Nova York o proxecto 'As cordas invisíbeis'. Os dous artistas galegos atópanse en Nova York e unen forza creativa neste proxecto que mestura piano e voz, inspirados polo 'Duende' de Lorca que aínda -din- segue na cidade dos rañaceos.

Na sección de voces expertas, Eva Mejuto presenta os mellores libros de literatura infantil e xuvenil a nivel internacional dos Premios da Fundación Catro Gatos.

O ciclo 'Clásicas desfeitas' permite recuperar clásicos da literatura galega e universal a través doutras disciplinas artísticas. A proposta 'Hamlet, o de Cunqueiro' mestura as disciplinas do teatro e os videoxogos. Cada representación ofrecerá unha resposta distinta a tres cuestións sobre o amor, a morte e as relacións familiares. O público participa de forma directa na obra, polo que o desenlace da historia dependerá dos espectadores convertidos en xogadores.

Neste Diario Cultural viaxamos ata os lugares agochados e segredos da Cidade da Cultura e entrevistamos a Beatriz Legerén, do grupo de innovación docente ComTecArt da Universidade de Vigo; e a Karol Nurza, da Compañía Teatral Boccaccione de Brasil.

A Fundación Eugenio Granell inaugura a exposición 'Paco Pestana. O curto voo dun paspallás' este xoves 1 de febreiro. A mostra está comisariada por Cristina Carballedo e poderá visitarse ata o 31 de marzo. Esta exposición parte de revisitar o proxecto plástico e vital do artista Paco Pestana, a través dunha aposta expositiva que xira arredor de obras, documentación e outros elementos do artista, que se atopan en coleccións particulares tentando amosar a intensa personalidade deste artista nun percorrido pola arte a través da amizade. Non se trata dunha exposición antolóxica senón dun roteiro emocional por pezas de persoas que compartiron amizade, traballo, experiencias ou proxectos co artista.