Joh. 17 is profeties relevant vir ons tyd. Die uitdagings is legio. Die Gees is in staat en is ons gewillig om deur God gebruik te word.

Daar heers kommer in die harte van baie mense oor die toekoms van ons mooi land. Dit is nie nou die tyd vir klein geloof en ophou droom nie. Ons het geloofspioniers nodig.

As ons dan georiënteer is met betrekking tot die nuwe jaar en ingekoop het op die gedagte dat ons hier is om ʼn verskil te maak in die lewens van mense - God se mense, alle mense - soek ons oë en luister ons ore om die hulpgeroep van mense raak te hoor.

Die vraag is wat en wie wil jy met jou die toekoms inneem? Jy hoef nie almal saam te nooi nie.

Kom ons help mekaar om iets van die oomblik, vandag en elke dag, te beleef.

Carpe diem, gryp die dag. Dit mag jou laaste wees. Laat spore daar waar jy geloop het.

Christene het die Gees van God in hulle. Hulle word geroep om ʼn verskil te maak.

Mag 2020 die jaar van verwagting wees.

Maak klaar met die onnodige bagasie. Soos met ʼn binne of buitelandse vlug word jy genoodsaak om net die noodsaakliste saam te neem. Die tarief vir ekstra bagasie is onmenslik duur.

Inderdaad. Slegte nuus se voet. Dit gaan ons nie so kniehalter dat ons sommer uit die staanspoor negatief en beswaard is nie. Ons is nie alleen nie.