Ons word geroep om mekaar te beskerm.

Here, help my ons om vir U en ander so lief te hê.

Sy eerste en laaste gedagte rakende ons is liefde. Ek is so bly dat ons Hom kan ken.

Mense wat ander onder hul sonsambrele en skadunette innooi, water gee aan die hoedsmous, eetgoed uitdeel. Dis liefde in praktyk en dis buitegewoon aantreklik.

By die supermark, die motorhawe, sosiale kring en werksomgewing verteenwoordig ons, weliswaar voorlopig omdat ons self nog op weg is, God se liefde in en vir hierdie wêreld.

Huweliksmaats is vennote en het een doel voor oë, naamlik om in en deur die wyse waarop hulle met mekaar saamleef ʼn getuienis en voorspel te wees van die bruilofsmaal van die Lam wat aan die einde van die tyd sal aanbreek.

Sou iemand by wyse van spreke in die hart van ons bestaan “in boor” moet niks anders gevind word as die liefde nie.

Liefde sluit in, nooi nader en om te behoort. Liefde draai nie ʼn dowe oor nie. Ons moet so lief hê omdat God in Christus ons kom insluit het. Hy nooi ons uit om deel te hê aan sy Koninkryk. Suid-Afrika het hierdie soort liefde broodnodig.

Vra die Heilige Gees om jou te bekwaam vir God se liefde teenoor ander mense.

Kyk weer na die Seun. Sy aardse optrede getuig van onvoorwaardelike liefde. Dis ook hoe Hy oor jou voel.