Hierin lê die kosbare ruimte van die gebed: As gelowiges kan ons die heilige plek van God se teenwoordigheid betree, die veiligste plek vir ons volledige menswees, en ons kan onsself ontbloot in denke, emosies, drome en vrese, met dié wete dat Hy wat werklik goed is, Hy wat werklik heilig is, by ons is.

Jesus leer Sy dissipels om op ’n besondere manier te bid. Die eerste vereiste van hierdie gebed is die plek en gesindheid waarmee dit moet plaasvind.

Die beweging van die koninkryk het ontplof en die destydse wêreld getref met ’n groeikurwe in die eerste 300 jaar na Christus se hemelvaart wat nog nooit weer gesien is nie. Die beweging groei steeds. Is jy deel daarvan?

Die burgers van die hemel weet dat hulle meer sondig is as wat hulle ooit sou besef, maar dat hulle meer geliefd is as wat hulle ooit voor sou kon hoop.

Wanneer laas het jy deelgeneem aan ’n uitreik na die gemeenskap of selfs net met iemand oor die Here gepraat?

Jesus se lewe wys vir ons dat daar ’n kroon is na die kruis, dat daar waters van vrede en rus is na die doodskaduwee, dat daar ’n reis na bo is nadat die reis na onder onderneem is. Juis daarom moet ons Hom volg, want die einde is seker (Filippense 3:14).

Geliefde in die Here; daar is vandag baie valse dwaalleer wat ’n valse evangelie van gemak en voorspoed wil voorhou. Dit is nie die evangelie nie! Die evangelie is die boodskap van verlossing wat kom deur ’n kruis en die volgelinge van Jesus sal ook daardie roete stap.

Jesus beskryf slegs twee tipes bouers. Die vraag aan elkeen van ons vandag sal wees: Watter een is ek en jy? Bou ons op die vaste fondasie, of bou ons op sand?

Vir wie moet jy dalk vandag bid? Is jy bereid om daarna op te staan en te gaan doen? Vir wie moet jy gaan omgee, al is dit swaar en moeilik?

Lees Psalm 51 en ontdek die pêrels wat Dawid daarin beskryf. Wie in jou sirkel van mense sal die skatte daarvan vandag waardeer?