Mens kan die onbeheerste misbruik van die tong vir watter rede ook al nooit regverdig nie.

Die tong is klein en eintlik onaansienlik maar is enorm kragtig. Wanneer die tong op die regte wyse ingespan word kan dit genees, bemoedig, afrig en bemagtig. So baie mense wag net op ʼn positiewe woord van aanmoediging.

Mense kan ʼn rat voor die oë gedraai word maar nie die Heilige Gees nie. Alles is deursigtig in sy heilige teenwoordigheid.

Soos die lewe en asemhaal met mekaar saamhang, hang geloof en konkrete dade van gehoorsaamheid met mekaar saam.

Hy is van toe af ’n vriend van God genoem.

Die wisselwerking tussen geloof en dade word duidelik gedemonstreer. Konsekwent sou ʼn mens kon redeneer dat daar nie sprake is van geloof as dit nie prakties demonstreer word nie.

Jesus het ons kom verseker van die Vader se liefde. As dit egter daar gebly het was ons vandag steeds verlore in ons sonde. Hy het die liefde van God prakties kom demonstreer deur sy lewe af te lê.

Hoe lyk dit met jou geloofsverbintenis? Waar kan dit gesien word?

God ken ʼn baie hoë premie aan barmhartigheid toe. Sy hele bediening in en deur sy Seun Jesus Christus is ʼn bewys van ongekende barmhartigheid.

Ons word geroep om dieselfde te doen.

Ons almal is worstelend op weg met God en dis net sy genade dat ons staande bly. Hoe slaag ons bevooroordeeldheid jeens ander mense die liefdestoets van God?