In Matteus 10 lees ons dat jy nie neutraal kan staan wanneer jy voor Jesus te staan kom nie. Jy kies of vír Hom of téén Hom.

Nuwe foto’s is ’n herinnering dat ons nuwe mense is. Ons is God se skeppingswerk (Efesiërs 2:10); sy geliefdes (1 Johannes 2:7) en Hy is stil tevrede in Sy liefde oor ons; Hy jubel en Hy juig oor ons (Sefanja 3:17).

Genade is skokkend! As genade ons nie skok nie, het ons dit nog nie besef nie. Die Koning wat genade gee, betaal ’n skokkende prys om die geskenk daarvan, verniet, vir ons te gee. Sy boekhoustelsel klop nie, want Hy betaal die prys in ons plek.

Wandel biddend saam met die Here deur die gedeelte en vra vir jouself: As die Koning môre sou kom, aan watter kant sou Hy my plaas?

Wanneer laas het ons nagedink oor die skat wat in Jesus vir ons weggebêre is?

Trek ’n 10 km radius om die gemeenskap waar julle woon. Identifiseer daardie plekke waar die nood die grootste is. Begin deur te bid, waag dit dan om te gaan en deel te word. Skyn die lig. Begin klein.

Indien ’n klein mosterdsaadjie kan groei en ’n geweldige boom kan word, wat sou ’n gehoorsame daad in die koninkryk vandag vir jou gemeenskap beteken?

Hoe staan hierdie Tien Gebooie teenoor die wette van die Farao? Wat sou gebeur indien ons die Tien Gebooie nie sien as die “hoogste standaard” van morele lewe nie, maar die “minimum standaard” waarvan die burgers van die koninkryk daagliks leef?

Om deel van hierdie koninkryk te word, vra dat ek en jy die liefde van hierdie Koning en die prys wat Hy vir ons vryheid betaal het, sal aanvaar, sal glo en daaruit sal leef.

Hoe moet gelowiges leef as burgers van die koninkryk te midde van ongelowige regeerders?