Bid soos dit vir jou gemaklik is. Bid gedurigdeur, terwyl jy op weg is werk toe of daarvan terugkom. Hewige verkeer is die ideale geleentheid om kalmte by die Vader te soek.

Mag jy nuwe vryheid ontdek in die teenwoordigheid van die Een wat jou baie, baie liefhet.

Die Bybel leer dat wie tot God nader moet glo dat Hy is en dat Hy ’n verhoorder is van die gebed (Hebreers 11:6).

Gebed: Vader, ek staan skuldig. Indien enigsins het ek nog nooit vir my dominee gebid nie. Ek kritiseer egter maklik. Vergewe my en staan hom by. Amen.

Gebed: Ai Here, ek kry skaam omdat ons so agterdogtig, kleinserig, selfsugtig en onbekwaam is. Ons maak dat die wêreld nie glo dat U die Seun van God is nie. Ons verdeel en is verdeeld. Omtrent oral. Verander ons harte.

God bederf sy kinders met Goddelike omgee en sorg. Dit stem ’n mens tot diepe dankbaarheid.

Gebed: Here, ek sukkel om selfs langer as ’n paar minute intelligent en ononderbroke

te bid. My gedagtes dwaal en ek dink aan soveel dinge. Help my om te konsentreer. Leer my om te bid.

In Jesus egter is die pad na die Vader volledig herstel en het ons ’n adres waar ons ons diepste seer kan verwoord.

Die troos is dat daar ’n adres is waarheen jy kan vlug wanneer daardie alleenheid jou tref. God wag vir jou. Vertel Hom wat in jou lewe aangaan. Hy verstaan.

Hoe help gebed jou om in tye van versoeking staande te bly?

Wat is nou jou getuienis aangaande God en sy kinders se swaarkry in hierdie wêreld?