Miskien is dit meer gepas om soos die dissipel te bid: ek glo Here, kom my ongeloof tegemoet. Dus volgende keer as jy vra, vra in die geloof.

Christenskap word nie en kan nie in isolasie bedryf word nie.

Wat sou Jesus gebid het? Wat sou Hy gevra het en sou Hy raad gevra het by die Vader?

Wag is moeilik, ongewild en tydsaam. Wag beteken nie niksdoen nie. Dit beteken aktief bid en selfs beplan vir dit wat jy hoop om uit die Here se hand te ontvang. Dit beteken in 'n toestand van gereedheid te kom en as’t ware met oop hande te leef in verwagting dat God gaan antwoord.

Daniël het te midde van persoonlike uitdagings nie opgegee met gebedstoewyding nie. Hy is nie ingesluk deur die vreemde kultuur en gewoontes waarvan hy nou deel was nie. Hy was gefokus en het die belangrike saak van gebed nie agterwee gelaat nie. Daniël het in sy gebed ruimte gegee aan verskeie elemente, dank, verwondering, aanbidding, intersessie en skuldbelydenis.

Niks kan verander aan God se grondhouding nie. Hy is liefde. Hy wil ook nie dat enige mens verlore gaan nie maar dat alle mense gered sal word. Hy is 'n goeie, genadige, barmhartige en lankmoedige Wese.

Om God te nader met jou uitdagings is 'n mosie van vertroue. Dit is 'n erkenning dat jy radikaal aangewese is op sy sorg en omgee. Dis 'n afhanklikheidsverklaring waartoe ons uitgenooi word.

Die Here vra nie wat ons nie het nie maar Hy vra wat Hom toekom. Die bedoeling van die teks is dus duidelik dat die gebed van 'n gelowige 'n aangename en dankbare belewenis moet wees.

"Het jy al so baie daaroor gebid soos jy daaroor gepraat het?"

Ons lewens is geborge in Hom. By Hom is ons en ons geliefdes, ons land en die wêreld, veilig.