Geestelik volwasse mense vind hulle rus by die Here. Immers, Jesus het gesê, kom na my toe almal wat vermoeid en belas is en ek sal julle rus gee.

Dis tyd om weer aan die gang te kom. Die Here sal jou help, maar jy en ek moet begin met ʼn goeie besluit.

Herinner jouself aan die talle beloftes wat daar in die Woord is en hoe dit betrekking het op jou lewe as individu, maar ook op die lewens van mense wat ʼn spasie met jou deel.

“Julle kom na ons met arms wat toegevou is, nie om te omhels en te verwelkom nie, maar op ʼn afstand te hou. As ons Suid-Afrika wil red sal ons ons arms vir mekaar moet oopmaak en mekaar omhels.”

Kan ons nie ons arms oopmaak vir mekaar en die toekoms omhels nie? Carpe diem, gryp die dag, gryp die lewe.Sê vandag “ja” vir die lewe.

Uiteindelik, wanneer God dit goed dink sal ons die ewige rus tegemoetgaan. Ons wil die mense wat deel van ons verwysingsraamwerk vorm nie daar soek en nie vind nie. Maak seker dat hulle deel van die geselskap sal wees.

Erken doodgewoon jou afhanklikheid van God in Christus Jesus en vra hom om jou lewe oor te neem.

Hoe gouer ons grootword, hoe beter vir almal. Maak daarmee vrede dat alles nie noodwendig gebeur soos wat ons dit wil hê nie.

Ruil jou gevoelens van desperaatheid, uitsigloosheid, moedeloosheid, vrees en angs in en ontvang die gratis gawe van God se vrede in alle omstandighede. Deel dan daardie vrede met ander mense.

Mag jou woorde vandag, en elke dag, met sout besprinkel wees.