L'Artg musical stat dal tut en l'ensaina da la festa naziunala, il prim d'avust. Durant in'ura datti musica exclusiva da cumponists svizzers e sunada d'orchesters d'instruments a flad e da Brass Bands svizras. Tut ovras da cumponists che vivan anc, sco Etienne Crausaz, Bertrand Moren, Oliver Waespi, Franco Cesarini, Marc Jeanbourquin u Gilbert Tinner. Suletta excepziun è il cumponist da noss imni naziunal, Alberich u Alberik Zwyssig.