L'orgelist, cumponist e fundatur da la chapella Oberalp è activ sco da giuven, er anc cun 75 onns.

Arno Jehli è naschì ils 30 da mars 1950 a Seglias. Il plaschair vi da la musica ha el gì gia baud e sia mamma ha perquai cumprà per el in accordeon. El ha cumenzà a sunar suenter a moda autodidacta ils schlaghers ch’el ha udì. Il 1968 ha el confundà la chapella Oberalp. Cun «sia» chapella suna el ussa gia passa 50 onns ed il gust da far musica, da sunar orgelin (u er accordeon) sco era da cumponer è anc adina grond.