Föstudagsgestur okkar í þetta sinn var Unnur Ösp Stefánsdóttir leikkona. Hana ættu hlustendur að þekkja úr fjölmörgum leiksýningum, sjónvarpsþáttum og kvikmyndum. Framundan hjá Unni eru tvö verk í Þjóðleikhúsinu og þessa dagana er hún að leika í nýrri sjónvarpsþáttaröð. Við forvitnuðumst um hennar æsku og uppvaxtarár og um ferðalagið í gegnum lífið til dagsins í dag.

Matarspjallið var auðvitað á sínum stað í þættinum í dag. Sigurlaug Margrét, besti vinur bragðlaukana fékk Unni Ösp til að sitja áfram og við ræddum við hana um hennar uppáhaldsmat og hvaða rétti henni finnst skemmtilegast að elda.

UMSJÓN GUÐRÚN GUNNARSDÓTTIR OG GUNNAR HANSSON