Björg Eva er mörgum vel kunnug. Fædd í Gnúpverjahreppnum og sérstakur áhugamaður um náttúruvernd. Hún er framkvæmdastjóri Landverndar og nýtir sumarfríið til landvörslu. Við ræddum um uppvaxtarárin á Hamarsheiði, Þjórsána, Þjórsárdalinn, virkjanir og vindmyllur svo eitthvað sé nefnt. Skemmtilegt og fróðlegt spjall um náttúru í nútíð og framtíð.

Heimir Sigurðsson frá Hreppaköppum kynnti Enduro keppni. Eins var farið yfir fundargerðir og fleira. Fréttir og skemmtanir. GÓSS í Friðheimum og fullt í viðbót.

Tveir á tali, þeir Jónas Yngvi og Árni Þór fengu Pálma Hilmarsson í heimsókn. Pálmi er nemendum Menntaskólans að Laugarvatni að góðu kunnur því hann hefur verið staðahaldari þar í þónokkur ár. Pálmi sagði okkur frá sögu ML og skólahalds að Laugarvatni og skaut inn nokkrum skemmtisögum í leiðinni. Skemmtilegt og fróðlegt spjall og við vitum að hlustendur kvarta ekki þó aðeins hafi lengst í annan endan.

Jónas Yngvi og Árni Þór settust niður að loknum páskum og fóru yfir það sem stóð uppúr um páskana og eins hvað er framundan. Páskaeggin og málshættirnir fengu sinn skammt ásamt nýjum lið sem er matarhorn, enda báðir miklir matgæðingar. Við stefnum að því að kíkja á veitingastaði í uppsveitum og smakka það sem er í boði og ræða okkar upplifun. Í þessum þætti var mætt á nýjan austurlenskan veitingastað á Flúðum, Star. 

Haraldur Þór Jónsson - oddviti Skeiða- og Gnúpverjahrepps fer yfir stöðu sveitarfélagsins þegar tæp 3 ár eru liðin af kjörtímabilinu. Litið er yfir farinn veg og rætt um hvað hefur áunnist og hvað er eftir.

Staða sveitarfélagsins, virkjanamál, veiðifélagið, Samfylkingin og margt fleira. Hvað er framundan? Mun Samfylkingin bjóða fram í sveitarfélaginu, eða verður Haraldur áfram með Samvinnulistann?

Hresst spjall þar sem ekkert er dregið undan. 

Tveir á tali, þeir Jónas Yngvi og Árni Þór, spjalla um hvað er efst á baugi í uppsveitunum þessa dagana. 

Nils Guðjón kom i spjall á dögunum. Hann er best þekktur sem Nils nuddari en hann gerir bara svo mikið meira. Hann fór yfir ferilinn frá því hann var peyji á Bergstaðarstrætinu til Ólympíuleikanna í París.

Forvitnilegt og skemmtilegt spjall.

Menntaskólinn að Laugarvatni hefur verið að sýna Djöflaeyjuna við góðar undirtektir. Tveir á tali, þeir Jónas Yngvi og Árni Þór, fengu í heimsókn þau Stefaníu Maren Jóhannsdóttur og Daníel Aron Bjarndal Ívarsson sem leikstýrðu verkinu. Mikið var spjallað um verkið og eins um skólann. Samkvæmt þeirra hlutlausu frásögn þá er ML víst besti skóli landsins en það er víst betra að hlusta á þáttinn og heyra þeirra frásögn.

Ævar Austfjörð kíkti við til að fræða mig og aðra um eitt og annað. Auðgandi landbúnaður er eitt af hans hugðarefnum og hann ræddi um þá aðferð og kynnti um leið ráðstefnu sem haldin verður þann 02. apríl á hótel Hilton. En það var ekki allt því hann kynnti einnig þann lífsstíl að borða einungis dýraafurðir. Þetta var forvitnilegt og skemmtilegt spjall sem gaman var að taka þátt í.

Jónas Yngvi og Árni Þór fóru vítt og breitt yfir málefni uppsveitanna. Hinn sívinsæli liður, Lesið úr fundargerðum sveitarstjórna, er á sínum stað en einnig er farið yfir viðburði og fréttatilkynningar sem okkur hafa borist. 
Ef menn vilja koma einhverju á framfæri þá er um að gera að hafa samband við okkur. Tveir á tali koma alltaf út á tveggja vikna fresti.