Björk Jakobsdóttir, leikstjóri, kom í spjall ásamt eiginmanninum, Gunnari Helgasyni. Björk hefur undanfarna mánuði verið að leikstýra leikdeild UMFG í verkinu Sex í sveit eftir Marc Camoletti í heimfæslu og þýðingu Gísla Rúnars Jónssonar. Rætt var um sýninguna og svo allt annað og mikið meira.

Eftir spjallið fór ég á leiksýninguna og er skemmst frá að segja að úr varð hin besta skemmtun og ég hvet alla til að sjá þessa uppfærslu í Árnesi. Eftir sýningu tók ég leikhópinn tali og sögðu þau mér allt um uppfærsluna og hópinn.

Tveir á tali eru: Jónas Yngvi og Árni Þór.

Bragi Viðar Gunnarsson, formaður Jökuls, kom í heimsókn og fræddi okkur um þetta nýja félag. Létt spjall um hestamennsku og sport, tamningar og keppnir, inni og úti, sumar og vetur. 

Eins fórum við yfir hvað er á döfinni í uppsveitum. Kíkt í fundargerðir sveitarstjórna og létt skoðun á félagslífinu framundan. 

Í þessum þætti er spjallað við Oddu. Hún bregður sér í mörg hlutverk í daglega lífinu: kennari, hestadómar, kennsla og svo keypti hún ásamt eiginmanni sínum honum  Þorra keypti Garðyrkjustöðina Reykás fyrir um ári síðan.

Hún sagði mér frá baráttunni við að reka garðyrkjustöð meðan raforkan hækkar og hækkar. 

Þetta er ekki raunasaga heldur sterk kona að reyna ásamt manninum sínum að gera drauminn að veruleika 

Nú er komið að tilraun hjá Uppsveitakastinu. Árni Þór Hilmarsson og Jónas Yngvi Ásgrímsson fara yfir það sem er á döfinni í uppsveitunum. Skoðaðar eru fundargerðir sveitarstjórna og molar lesnir úr þeim. 
Stefnt er að því að hafa þessa þætti reglulega og væri vel þegið ef klúbbar, félög, fyrirtæki, einstaklingar láti okkur vita af viðburðum eða bara hverju því sem koma má á framfæri. Gestum verður boðið að kíkja inn og spjalla um daginn og veginn. 
Við vonum að vel verði tekið í þetta framtak og af því verði einhver skemmtun en einnig eitthvað gagn.

Fjóla Kristinsdóttir er nýr sveitarstjóri í Grímsnes- og Grafningshreppi. Hún fer hér yfir uppvöxt á Selfossi, námið, störfin og áhugamálin. 
Fjóla hefur mikla reynslu í störfum tengdum fjármálum ásamt því að hafa unnið við margvísleg störf á sveitarstjórnarstigi. 
Það var gaman að spjalla við hana og hún á líklega eftir að koma aftur enda hefur hún frá mörgu að segja.

Árni Þór Hilmarsson kíkti í spjall um lífið og tilveruna, kennsluna, íþróttir, sveitalífið, tónlistina o.fl. Skemmtilegt spjall og farið víða um. 

Um leið og Uppsveitakastið óskar hlustendum sínum gleðilegs nýs árs og þakkar samfylgdina á nýliðnu ári er nýr þáttur settur í loftið. Hreppamaðurinn Sigurður Ingi Jóhannsson fer hér í stuttu máli yfir lífshlaup og feril. Það er líklega óhætt að segja að fáir ráðherrar hafa stjórnað jafn mörgum ráðuneytum og hann. Bóndi, dýralæknir, þingmaður, ráðherra. Það var mjög gaman að fá að heyra í honum varðandi lífið og tilveruna. Það er svo aldrei að vita nema við fáum að heyra meira á komandi misserum.

Í þessum þætti af Uppsveitakastinu er spjallað við Óskar Hafstein Óskarsson eða Óskar í Hruna. Farið er um víðan völl, rætt um preststarfið, jólin, búskapinn og margt fleira. Óskar er viðræðugóður og gaman er að heyra hvað á daga hans hefur drifið. 
Þátturinn er styrktur af Bláskógabyggð, Grímsnes- og Grafningshreppi, Hrunamannahreppi og Skeiða- og Gnúpverjahreppi.

Björgvin G. Sigurðsson hefur komið víða við. Hann hefur verið þingmaður, ráðherra, kennari, leiðsögumaður o.fl. Núna er hann að rita sögu Þjórsárdals. Hann kom í heimsókn og sagði frá sinni sögu og eins sögu Þjórsárdalsins. Skemmtilegt spjall og áheyrendur verða margs vísari um Þjórsárdalinn og byggð þar.
Þátturinn er styrktur af Bláskógabyggð, Grímsnes- og Grafningshrepp, Hrunamannahrepp og Skeiða- og Gnúpverjahrepp.

Gunnar Gunnarsson segir frá verkefninu Heilsueflandi Uppsveitir. 
Hann segir frá hvernig heilsuefling bætir ekki aðeins líkamlega líðan heldur andlega einnig. Heilsuefling á sér þrjár hliðar, líkamlega, andlega og félagslega. Gunnar segir hvernig efling þessara þátta eflir og styrkir. En heilsueflandi er líka meira. Gunnar segir frá hvernig tókst til með fjölmenningadag uppsveitanna.
Þátturinn er styrktur af Bláskógabyggð, Grímsnes- og Grafningshrepp, Hrunamannahrepp og Skeiða- og Gnúpverjahrepp.