Med Siri Økland og Erlend O. Nødtvedt.

Slekt er tilhøyr og røter, men kan òg vere kjelde til motstridande kjensler. To av haustens diktsamlingar undersøkjer korleis vi står i ein uunngåeleg samanheng ved å ta utgangspunkt i slekt. Siri Økland skildrar dei små og vakre hendingane i kvardagen, på same tid som ho trekker nokre store linjer mellom ulike generasjonar. I Erlend O. Nødtvedts siste diktsamling er poetens forfedrar og formødrer materialet for ei poetisk innovativ slektsgransking.

No har Økland og Nødtvedt bytta bøker: Den tid, den song (Økland, 2019) og Slekter (Nødtvedt, 2019). Dei møter kvarandre til ein samtale om slekters vrimmel, familiemytologi, mørker og idyll. Samtaleleiar: Fredrik Hagen.