Vágskálin

By Kringvarp Føroya

Vágskálin er sending við mentanarligum ummælum. Í flestu førum verða bøkur vigaðar á vágskálini. Ummælini verða gjørd sum samrøður í útvarpsstovuni. Á vágskálina kunnu eisini verða lagd... more

· News

Download on the App Store

Download on the App Store

Get it on Google Play

FAQs about Vágskálin:

How many episodes does Vágskálin have?

The podcast currently has 74 episodes available.

Vágskálin episodes:

January 30, 2024 Vágskálin: Ung lesa minni orsakað av netinum
Lesivanakanningar frá 2017 og 2018 og frá 2020 og 2022 vísa, at børn og ung lesa lítið og onki í frítíðini.
Verður ov lítið lisið, mennist lesiførleikin ikki, og hetta kann skala evnini hjá næmingum at læra og ogna sær vitan.
Lydia Didriksen greiðir frá lesivanakanningunum, og Malan Eyðunsdóttir, lærari í hádeild, greiðir frá lesivanunum hjá næmingunum.
Ongin ivi er um, at netið og frítíðarítriv fara við nógvari tíð hjá teimum ungu, og at tey tí lesa minni, enn tey áttu.
Eitt átak, sum skal fáa føroyingar at lesa meira, er "Føroyar lesa", sum Eilen Anthoniussen samskipar.
Hon greiðir frá, hvat tey hava gjørt síðan 2020 fyri at fáa allar føroyingar lesa meira.
Eitt átak næstu mánaðirnar verður, at rithøvundar fara at vitja á skúlum at greiða frá tí, teir hava skrivað.
Uni Arge leggur til rættis.
...more
52min
January 24, 2024 Vágskálin: Hesaferð fremja føroyingar brotsgerðirnar
Talan er um søgu, sum fer fram á Hvíldarheiminum í Havn.
Hannis Martinsson hevur í fyllskapi meitt sær knæið og skal nú hvíla á Hvíldarheiminum, áðrenn hann kann fara undir uppvenjingina.
Skjótt verður hann vavdur inn í søguna um bumbuspreingingina við løgtingshúsið 18. september í 1945.
Onkur er, sum ikki vil, at sannleikin um bumbuspreingingina kemur fram, og so verða fleiri fólk myrd.
Malan Marnersdóttir, professari í bókmentum, og Ben Arabo, stuttsøguhøvundur, ummæla bókina.
Tey hava m.a. lagt til merkis, at hesaferð fremja føroyingar allar brotsgerðirnar - og ikki útlendingar.
Søgan kundi mint um fleiri av klassisku krimisøgunum hjá Agatha Christie og er yvirhøvur spennandi. Málið kundi tó verið skerpað í støðum, verður sagt.
Uni Arge leggur til rættis.
...more
52min
January 16, 2024 Vágskálin: Undirhaldandi og væl skrivað krimiskaldsøga
Talan er um spenningssøgu, sum fyri tað mesta fer fram í Havnini.
Høvuðspersónarnir eru Sára Emmudóttir, leiðari á Listasavninum, og Jón Amós, sum eigur gallaríið Neystið.
Tá bróðir Sáru, Poli, brádliga doyr á Landssjúkrahúsinum, fær hon ein lepa við áskriftini: "Hann gjørdi tað ikki!"
So fer kanningararbeiðið í gongd, og vit frætta um, tá tann 16 ára gamla vinkonan hjá Sáru, Beinta, doyði í einum balli í 2003.
Marna Jacobsen og Eilen Anthoniussen ummæla "Lygn", og tær halda hana vera bæði undirhaldandi og væl skrivaða.
Eisini er søgan viðkomandi, tí hon fer fram í 2023 og lýsir atferðina hjá nútíðarmenniskjum á skemtiligan og speiskan hátt.
Uni Arge leggur til rættis.
...more
52min
January 08, 2024 Vágskálin: Skaldsøga um at arva ognir og eginleikar
Talan er um ættarskaldsøgu, sum sigur frá fleiri ættarliðum, ið eru knýtt at Líðarsteinsgarði og Fornagarði.
Søgan flytur seg aftur og fram í tíð og er serliga um trý ættarlið av kvinnum, Agnas, Aldu og Báraldu.
Báralda er tíðindakvinna av heimsins hermótum, sum verður kallað heim orsakað av strongd og fer at granska í sínum upphavi.
Meðan hon granskar, frætta vit um at arva bæði ognir og ivasamar eginleikar. Sanna Klein og Sámal Soll ummæla.
Stundum var bókin fløkt at koma ígjøgnum, tí so mong fólk verða nevnd, men spennandi var hon. Sum ein krimi, halda tey.
Uni Arge leggur til rættis.
...more
49min

FAQs about Vágskálin:

How many episodes does Vágskálin have?

The podcast currently has 74 episodes available.