Vardhaman Shakrastav Stotra वर्धमान शक्रस्तव स्तोत्र ★

जयतु जयतु नित्यं श्री वीतराग ।

जयतु जयतु नित्यं श्री वर्धमान शक्रस्तव। जयतु जयतु नित्यं श्री शकेन्द्र महाराजा। जयतु जयतु नित्यं श्री सिद्धसेन दिवाकर सूरी। जयतु जयतु नित्यं श्री श्रुतवाणी।

ॐ नमोऽर्हते भगवते, परमात्मने, परम-ज्योतिषे, परम-परमेष्ठिने, परम-वेधसे, परम-योगिने, परमेश्वराय, तमसः परस्तात्, सदोदिता दित्यवर्णाय, समूलोन्मूलिता नादि सकल क्लेशाय ॥१॥

ॐ नमोऽर्हते भू-भुवः-स्वस्त्रयी-नाथ-मौलि-मन्दार-मालार्चित-क्रमाय, सकल पुरुषार्थ योनि निरवद्य विद्या प्रवर्तनैक वीराय, नमःस्वस्ति स्वधा स्वाहा वषडथै कान्त-शान्त मूर्तये, भवद् भावि-भूत-भावा-वभासिने, काल-पाश-नाशिने, सत्व-रजस्तमो-गुणातीताय, अनन्त-गुणाय, वाड्-मनो गोचर चरित्राय, पवित्राय, करण-कारणाय, तरण-तारणाय, सात्त्विक-दैवताय, तात्त्विक-जीविताय, निर्ग्रन्थ-परम-ब्रह्म-हृदयाय, योगीन्द्र-प्राणनाथाय, त्रिभुवन-भव्य-कुल-नित्योत्सवाय, विज्ञानानन्द परब्रहै-कात्म्य-सात्म्य-समाधये, हरि-हर-हिरण्य-गर्भादि-देवता-परिकलित -स्वरूपाय, सम्यग्-श्रद्धेयाय, सम्यग्ध्येयाय, सम्यक्-शरण्याय, सुसमाहित सम्यक् स्पृहणीयाय ॥ २ ॥

ॐ नमोऽर्हते भगवते, आदिकराय, तीर्थकराय, स्वयं-सम्बुद्धाय, पुरुषोत्तमाय, पुरुष-सिंहाय, पुरुष-वर-पुण्डरीकाय, पुरुष-वर गन्धहस्तिने, लोकोत्तमाय, लोकनाथाय, लोक-हिताथ, लोक-प्रदीपाय, लोक-प्रद्योतकारिणे, अभयदाय, दृष्टिदाय, मुक्तिदाय, मार्गदाय, बोधिदाय, जीवदाय, शरणदाय, धर्मदाय, धर्म-देशकाय, धर्म-नायकाय, धर्म-सारथये, धर्म-वर-चातुरन्त चक्रवर्तिने, व्यावृत्तच्छाद्म ने, अप्रतिहत-सम्यग्ज्ञान-दर्शन-सद्मेन ॥३॥

ॐ नमोऽर्हते जिनाय, जापकाय, तीर्णाय, तारकाय, बुद्धाय, बोधकाय, मुक्ताय, मोचकाय, त्रिकालविदे, पारङगताय, कर्माष्टक-निषूदनाय​, अधीश्वराय, शम्भवे. जगत्प्रभवे, स्वयम्भुवे, जिनेश्वराय, स्याद्वाद-वादिने, सार्वाय, सर्वज्ञाय, सर्व दशिॅने, सर्व-तीर्थो-पनिषदे, सर्व-पाखण्ड(पाषण्ड)-मोचिने, सर्व-यज्ञ-फलात्मने, सर्वज्ञ-कलात्मने, सर्व-योग-रहस्याय, केवलिने, देवाधिदेवाय, वीतरागाय ॥ ४ ॥

ॐ नमोऽर्हते परमात्मने, परमाप्ताय, परम-कारुणिकाय, सुगताय, तथागताय, महा-हंसाय, हंस-राजाय, महा-सत्त्वाय, महा-शिवाय, महा-बोधाय, महा-मैत्राय​, सुनिश्चिताय, विगत-द्वन्द्वाय गुणाब्धये लोकनाथाय जितमार- बलाय ॥ 5॥

ॐ नमोऽर्हते सनातनाय, उत्तम-श्लोकाय​, मुकुन्दाय, गोविन्दाय, विष्णवे, जिष्णवे, अनन्ताय, अच्युताय, श्रीपतये, विश्वरूपाय, हृषिकेशाय. जगन्नाथाय. भू-र्भुवः स्वः समुत्ताराय, मानंजराय , कालंजराय. ध्रुवाय, अजाय, अजेयाय, अजराय, अचलाय, अव्ययाय, विभवे, अचिन्त्याय, असंख्येयाय, आदि- संख्याय, आदि-केशवाय, आदि-शिवाय, महा-ब्रह्मणे, परम-शिवाय, एका-नेका-नन्त-स्वरूपिणे, भावा-भाव-विवर्जिताय, अस्ति-नास्ति-द्वयातीताय, पूण्य-पाप-विरहिताय, सुख-दुख- विविक्ताय, व्यक्ता-व्यक्त-स्वरूपाय, अनादि-मध्य-निधनाय, नमोस्तु, मुक्तिश्वराय, मुक्ति-स्वरूपाय॥ 6॥

ॐ नमोऽर्हते निरातङ्काय, नि:सङ्गाय, नि:शङ्कर, निर्मलाय. निर्द्वन्द्वाय, निस्तरङ्गाय. निरुर्मये, निरामयाय, निष्कलङ्काय, परम-दैवताय, सदा-शिवाय, महा-देवाय, शङ्कराय, महेश्वराय, महा-व्रतिने, महा-योगिने, महात्मने, पंचमुखाय, मृत्युंजयाय, अष्टमुर्तये, भूतनाथाय, जगदानन्ददाय, जगत्पितामहाय, जगद्वेवाधिदेवाय, जगदीश्वराय, जगदादिकन्दाय, जगद् भास्वते, जगत्कर्म-साक्षिणे, जगच्चक्षुषे, त्रयीतनवे, अमृतकराय, शीतकराय, ज्योतिष्चक्र-चक्रिणे, महा-ज्योती-द्योतिताय, महातम: पारे सुप्रतिष्ठिताय, स्वयं कत्रे, स्वयं-हत्रे, स्वयं-पालकाय, आत्मेश्वराय, नमो-विश्वात्मने ॥ ७॥

ॐ नमोऽर्हते । सर्वदेवमयाय, सर्वध्यानमयाय, सर्वज्ञानमयाय, सर्व-तेजोमयाय, सर्वमंत्रमयाय, सर्वरहस्यमयाय, सर्व-भावाभाव-जीवा जीवेश्वराय, अरहस्य-रहस्याय, अस्पृह-स्पृहणीयाय, अचिन्त्य-चिन्तनीयाय, अकाम-कामधेनवे, असङ्-कल्पित-कल्पद्रुमाय, अचिन्त्य-चिन्तामणये, चतुर्दश-राज्ज्वात्मक-जीवलोक-चूडामणये, चतुरशीति-लक्ष-जीवयोनि-प्राणिनाथाय, पुरुषार्थ-नाथाय, परमार्थ नाथाय, अनाथ-नाथाय, जीवनाथाय, देव-दानव-मानव/ सिद्धसेनाधिनाथाय ॥ ८ ॥

ॐ नमोऽर्हते । निरञ्जनाय, अनन्त-कल्याण-निकेतन-कीर्तनाय, सुगृहीत-नामधेयाय, महिमा-मयाय धीरोदात्त-धीरोद्धत-धीरशान्त-धीरललित पुरुषोत्तम-पुण्यश्लोक-शत-सहस्त्र​-लक्ष-कोटि-वन्दित-पादारविन्दाय, सर्व-गताय ॥ ९ ॥