Vikan tekur pulsin á vikuni, sum fer.

Í vikukjakinum eru høvuðsevnini hesa ferð strandferðsluprísir, fosturtøka og kríggið í Ísrael og Gaza. Tey, sum kjakast, eru Marjun Bæk, prestur, Pál Weihe, lækni, og Arni Zachariassen, teologur.

Vikugestur er Fróði Magnussen, formaður í Búskaparráðnum.

Og Armgarð Arge, útvarpskvinna, setir vikuna á skák.

Hoyr alla sendingina her.

Vikan tekur pulsin á vikuni, sum fer, og vit seta aktuellar søgur, hendingar og rák í eitt annað ljós.

Í vikukjakinum venda vit nakrar av søgunum, sum hava sett dám á hesa vikuna. Vit fara at tosa um vetrarfrí í føroyska fólkaskúlanum, happing á arbeiðsplássinum og skipaða virkna deyðshjálp. Hesa ferð skifta Lív Egilsdóttir Olsen, Marnar Fríðheim Kristiansen og Katrin Dagbjartsdóttir orð um vikuna.

Tummas Lervig er vorðin heimskendur sum formaður í KÍ, sum hava fingið altjóða miðlar at spíla eygu og oyru út - ikki minst nú KÍ í vikuni vann stig frá fronsku Lille í evropeiskum bólkaspæli. Tummas Lervig hevur verið formaður líka síðan felagið var í aldudalinum, til teir nú ríða á aldukambinum. Men hvør er maðurin? Tummas Lervig er okkara vikugestur í dag.

... og í dag er tað Jákup Weyhe, sum setir Vikuna á Skák.

 

Hoyr alla sendingina her

Vikan tekur samanum vikuna, ið fer.

Í vikukjakinum venda vit nakrar av søgunum, sum hava sett dám á hesa vikuna. Vit fara at tosa um verkfallið, heimleys og heilsukanning, og so spyrja vit, hví stjórin á Føroya Tele bleiv koyrdur. Hesa ferð skifta Finn Jensen, Marna Jacobsen og Suni Poulsen orð um vikuna.

Vikugseturin í dag er ein maður, sum hevur verið rættiliga nógv á breddanum - ikki bara hesa vikuna, men eisini seinnu árini. Tað er Martin Kúrberg, leiðari á Herberginum. Vit fara at tosa um støðuna hjá teimum heimleysu og um drøgg, men vit fara eisini at fáa at vita eitt sindur meira um, hvat Martin heldur um skilið og hví hann brúkar so nógva orku upp á tað, sum hann ger. Millum annað spyrja vit hann, um øll - altso eisini væl skipað fólk - kunnu gerast missbrúkarar.

Og í dag er tað Katrin Patersen, sum setir Vikuna á Skák.

Hoyr alla sendingina her.

Vikan tekur samanum vikuna, ið fer.

Í vikukjakinum hesa ferð kjakast Ben Arabo, Marjun í Kálvalíð og Helgi Rasmussen. Tey viðgera stongdar kirkjur, fiskiveiðuavtaluna við Russlands og lønarlyft til úrvaldar lønarbólkar.

Gesturin hesa vikuna er Ólavur Ellefsen, íverkseti og vinnulívsmaður, sum eisini er formaður í Stýrinum fyri Fróðskaparsetur Føroya.

Og Armgarð Arge setir vikuna á skák.

Hoyr alla sendingina her.

Vit viðgera onkur av teimum evnunum, sum hava verið frammi hesa vikuna, saman við nøkrum gløggum høvdum, sum hava sínar meiningar og greiningar av vikuni, ið fer. Evnini hesa vikuna vera umberingin frá donsku stjórnini til teirra, sum vóru send á stovnar í Danmark, vit tosa um bisp og fosturtøkur, og so spyrja vit, um gráa gulli er vorðið ein byrða.

Hesaferð er Fía Petersen, sum er forkvinna í Javna, umframt at hon eisini hevur arbeitt har fyrr sum dagligur leiðari í nógv ár, okkara vikugestur.

Vit tosa um umberingina frá donsku stjórnini, umframt at vit fritta eitt sindur um, hvør Fía er.

Og so seta vit Vikuna á skák. Hesaferð er tað Jóan Pauli Dahl Jakobsen frá Amatøroyum, sum er farin til knappaborið og hyggur eftir føroysku vikuni uttanífrá.