አማኝ በዚህ አለም ሲኖር ከሚያልፍበት ፈተናና መከራ ባሻገር ያለውን የዘላለም ህይወት ተስፋ እያየ በአሸናፊነት መራመድ የሚችለው መደገፊያውና መታመኛው እግዚአብሔር ን ያደረገውን ያህል ነው::

*** እግዚአብሔር ለሚታመኑበት ጋሻ ነው:: በእርሱ የታመነ የተደላደለ ነው:: ብዙ ስራም የበዛለት: በመከራ ጊዜ እረፍተና መፅናናት በአሰጨናቂውም ሰአትና ሁኔታ ሰላም ሀይልና ብርታት ይሆናል::

የሮሜ መልዕክት. 12:1-8

አማኝ ለበራለት በትክክል ለተረዳውና ላመነው ጌታ ራሱን መሰዋዕት እሰከማድረግ ድረስ ፀንቶ ለመቆም የጨከነ ነው:: ይህም ደግሞ የፀጋውን ችሎት የሚያሳይ ነው:: የዳንኤል ህይወት ለዚህ ድነቅ ምስክር ረው::

ነገሮች በዙሪያችን ክፋታቸው በዝቶ ጫፍ ሲወጣ ሊያጠፉን የደረሱ እስኪመስል ድረስ ሊያስጨንቁን ይችላሉ:: ነገር ግን ይህ ሁኔታ አግዚአብሔር ፅድቁን የሚገልጥበት እኛም ክብሩንና ታላቅነቱን የምናይበት ይሆናል::

እግዚአብሔር ይናገራል አሁንም ይናገራል:: ሰውም ሰምቶ እስኪመለስ አብዝቶ ይታገሳል:: ደግሞም በፅድቅ የሚፈርድ ሰለሆነም በፍርድ ይገለጣል::

አማኝ ባለው ሥልጣን እውቀትና ሀብት እግዚአብሔርን ለማምለክ ራሱን ባያዋርድ ለመውደቅ ለመዋረድ ምክንያት ይሆናሉ:: ሥልጣን ድፍረትን እውቀት ትእቢትን አንዲሁም ሀብት ደግሞ ትምክህትን ያመጣሉና::

የእግዚአብሔር ልጆች እኛ ያለን ሁሉ ከእግዚአብሔር እንደተቀበልን ደግሞም የተቀበልነውን እርሱን በማክበር የምንጠቀምበት ሊሆን ይገባል:: በዚህ ሁሉ ውስጥ ግን ጠላት ሰጋና አለም በብዙ ቢፈትኑንም ፈተናውን ሳንፈራ ነገር ግን በመንፈስ ቅዱስ በፀጋውም ጉልበት ድል እያደረግን እንጓዛለን::

የሮሜ መልዕክት. 11: 1-36

ዘመኑ እየከፋ በሔደበትና የምናያቸውና የምንሰማቸው ነገሮች በሙሉ አስጨናቂና ተስፋ የሚያስቆርጡ በሆኑበት በዚህ ጊዜ የልቡናችን አይኖች ሊከፈቱና አርቀንም ልናይ ያስፈልጋል:: የልቡናችን አይኖች ሲበሩ ተሰፋችን ከምድር ላይ ተነስቶ የዘላለም ህይወት ተስፋ ላይ ይሆናሉ::

*** ሀአማኝ ህይወት ላይ የተጠራበት የዘላለም ህይወት ተስፋ ገዢ ሲሆን እለት እለት የሚያወራውና የሚናፍቀው ደግሞም በዝግጅት የሚኖርለት ይሆናል::

የሮሜ መልዕክት. 10: 14-17 , 11: 1-11

እግዚአብሔር ፈቃዱን ደግሞም ክብሩን በቃሉ ይገልጣል::የእግዚአብሔር ቃል ለመምከር ለመገሰፀ ደግሞም ለመባረክ ወደ ሰው ይመጣል:: ከወረድንበት ጥልቅ ጉድጓድ ከተስፋ መቁረጥ ያወጣናል:: ለቃሉ በህይወታችን ሰፍራ እየሰጠን በመጣን መጠን የጌታ ብርሃን ወደ ህይወታችን ይበራል

አማኝ በቦታው ሲገኝ ከእግዚአብሔር ዘንድ ጉብኝት ይሆናል:: የእርሱ ጉብኝት ደግሞ ወደ ክብር ያወጣል: የህይወት መታደስ ይሆናል:: ጨለማው በብርሃን ይሞላል:: ልምላሜና በረከትም ይሆናል::

ኑኃሚንና ሩት ተቀናጅተው በፍፁም መሰጠትና ፍቅር እርስ በአርሳቸው እየተመካከሩ መራመድ የጀመሩት ህይወት ጥንቃቄና ጥበብ የሞላበት አካሔድ እንደሆነ እናያለን::

በቤት ቢሆን በቤተክርስቲያን አብረን ህይወት ጎዳና ከምንጓዘው ወይንም አብረን በቤቱ ከምናገለግላቸው ወገኖች ጋር ስንቀናጅ የመጀመሪያው በፍፁም መሰጠት በታማኝነትና በፍቅር ለመመካከር ደግሞም ለመታዘዝ ዝግጁ መሆን ነው::

*** በህይወታችን ታማኝ መሆን ደግሞም ታዛዥ መሆን ለመባረካችንና ለመፈወሳችነ ደግሞም ለመንገዳችን መቃናት መሠረት ነው::

በሁሉ ላይ ገዢ የሆነው እግዚአብሔር ደግሞም መሪ የሆነው እግዚአብሔር እርሱ ታዳጊም ነው:: በዳንኤልና ጓደኞቹ ህይወት የተገለጠውም ይኸው ነው:: ከእሳት ሲታደግ ከአንበሳም ሲያሰመልጥ::

ሀአማኝ ህይወት የእግዚአብሐር ገዢነት መሪነቱና የሀይሉ ችሎት የሚገለጠው እኛ ለእግዚአብሔር በሆንለት በተገዛንለትና በተገኘንለት መጠን ነው::

*** በአለም ያለው ጨለማ እየጨመረ እንጂ እየቀነሰ አይሄድም:: ነገር ግን እግዚአብሔር በዘላለም እቅዱ ለእርሱ በሚገኙለት የክብር ዐቃዎች ሉአላዊነቱን ክብሩንና ብርሃኑን እለት እለት ይገልጣል::