ጥያቄና መልስ ክፍል 20

የአማኝ ህይወት ድል የመንሳት ህይወትና ኑሮ ነው:: በኃጢአትና በስጋ ላይ ደግሞም በአለምና በሰይጣን ላይ:: ድል የመንሳት ህይወትና የአሸናፊነት ኑሮ የሚጀምረው ራስን ለጌታ ለፈቃዱና ለሀሳቡ በማሰገዛት በመሸነፍ ነው::

*** ለጌታ የተሸነፈ አርሱ በሚይልፍበት ሁሉ በጌታው ላይ የሚደገፍ በእምነት ፀንቶ የሚቆምና ደግሞም በፀሎት የሚተጋ ነው::ሰለዚህም በድል አድራጊነት ይጓዛል::

የሮሜ መልዕክት.9:1-33

አማኝ በህይወቱ በብዙ ከፍታና ዝቅታ ውስጥ ያልፋል:: በዚህን ጊዜ በተለይም በምናልፍበት አሰጨናቂና ከባድ የፈተና ጉዞ ለምን? ደግሞም እስከ መቼ? በሚሉ መልስ በሚፈልጉ ጥያቄዎች ሁለንተናችን ይያዛል:: እግዚአብሔር ግን አሰጨናቂው ጊዜ ያልፋል:: ደግሞም ጨለማው ይነጋል ይላል::

*** እኛ በቃሉ ስንገሰፅ ስንመከርና ስንታዘዝ እሺ እንበል እራሳችንንም አዋርደን በፊቱ እንሁን እንጂ: ጨለማው ይነጋል:: ሲነጋም ነገር ሁሉ ይቀየራል:: ጠላት ወዳጅ ይሆናል:: የራቀው ይቀርባል:: ሀዘንም ይሸሻል:: ሰላምና ደሰታ ይሆናል:: ምስጋናም ይበዛልናል::

የሮሜ መልዕክት. 8: 31-39

በመንፈሳዊ ህይወታችን መታደስ ማለት ከእግዚአብሔር ጋር የነበረንን ግንኙነት ከደከምንበት ከራቅንበት ወደ እርሱ መለስን ያመለክታል:: ለመመለስ እምቢ ባልን መጠን ከጥበቃውና ከቸርነቱ እንርቃለን:: ከእርሱ እየራቅን በሄድን ልክ ደግሞ ወደ ክፉው ወጥመድ እየገባን እንሄዳለን:: ይህ ሲሆን ሰላም ይርቃል በረከትና ሞገስ ይሸሻል::

*** እግዚአብሔር ከእርሱ ጋር የሆና በስፍራው ያለ ሰው ታላቅ ሰላምና እረፍት ይሆንለታል:: እግዚአብሔር ለእርሱ ክብር ነው:: ሞገስም ነው:: እርሱ ክብር የሆነለት አማኝ በህይወቱ ትልቅ ለውጥ ይሆናል::አንደበቱ በፀጋ ቃል የተሞላ ደግሞም በሞገስ የሚወጣ የሚገባ ይሆናል::

የሮሜ መልዕክት 9:1-5

የእግዚአብሔርን ቃል መስማት እጅግ መልካም ነው:: ነገር ግን ቃሉ የሚጠቅመን ደግሞም ፍሬ የምናፈራው የሰማነውን ቃሉን ለመጠበቅ ደግሞም ለተነገረን ቃል ለመታዘዝ ዝግጁ ስንሆን ነው:: ስለዚህ የአማኝ መንፈሳዊ ህይወት ጉልበትና ጥንካሬ ደግሞም በረከቱ የእግዚአብሔን ቃል ሰምቶ የጠበቀውን ያህል ነው::

እኛ ባልነው ሳይሆን ጌታ እርሱ ባለው ቦታና ሁኔታ ይገኛልና ሰምተን የምንጠብቀው ቃል ሰላምና እረፍት ይሆንልናል:: ተስፋን ያድሳል ቸርነቱና በጎነቱ የሚገለጠውም በዚሁ ነው::

ትዳር ማለት መውሰድ እንዲሁም ደግሞ መወሰድ ማለት ነው:: ከፈጥረት መጀመሪያ አዳም ሄዋንን ከእግዚአብሔር እጅ ተቀብሎ እንደወሰዳት እነዲሁ ዛሬም አንዳችንን ለአንዳችን የሚሰጥ ትዳርን የሚሠራ እርሱ እግዚአብሔር ነው::

ሰለዚህ የተወሰደ አይመለስም:: ምክንያቱም ሁለቱ ተጣብቀዋልና:: አንድ ስጋ ሆነዋልና::

ትዳርን የሚጠብቀው ሁለቱም በመንፈሳዊ ህይወታቸው በሁለት እግራቸው የቆሙና በብርሃን ውስጥ መሆናቸው ነው::

*** - በግል ህይወቴ በእግዚአብሔርና በሰው ፊት በፅድቅና በአውነት አለሁ ወይ ?

- አልሆነችልኝም ወይም አልሆነልኝም ሳይሆን እኔ ሆኜለታለሁ ወይ ? ወይም ሆኜላታለሁ ወይ ?

ብሎ መጠየቅ ከሁለቱ የትዳር አጋሮች ይጠበቃል:

በሰው ህይወት ውስጥ መስማትና ማየት ትልቁን ሰፍራ ይይዛል:: ሰለዚህ ሰው መስማትና ማየት ያለበትንና የሌለበትን በጥንቃቄ ሊለየው ይገባል:: ምክንያቱም ሰው በሚሰማውና በሚያየው ይወድቃል ከበረከትም ይጎድላል:: እንዲሁም በሚሰማውና በሚያየው ይታነፃል ሀይልና ብርታት ይሆንለታል::

አማኝ ሁልጊዜም ሊሰማው የሚገባው አንድ ድምፅ አለ:: እርሱም የመንፈስ ቅዱስ ድምፅ ነው:: እርሱም የትናንትናን ያሳስባል የነገውንም ይናገራል:: እንዲሁም ደግሞ ሊያየው የሚገባው እርሱን በሁሉ ላይ ስልጣን ያለውንና ታዳጊውን ጌታ ነው:: በዚህም ውስጥ ሰላም ደግሞም ሀይልና ብርታት ይሆንልናል::