የሮሜ መልዕክት. 1- 7

እግዚአብሔር ምህረትን በህይወታችን ከሚገልጥባቸው ሁኔታዎች አንዱ ከወደቅንበት እንድንነሳ ከሳትንበትም እንድንመለስ ሁለተኛ እድል በመስጠት ነው:: ይህን ምህረቱን የሚገልፀው ደግሞ በመንገዳችን ለሀዘናችን መፅናናት ከወደቅንበትም ለመነሳት ምክንያት የሚሆኑ ሰዎችን በመስጠት ነው::

*** ምን እንኳ የምናልፍበት ሁኔታ ብዙ ፈተና ብዙ ምሬት ያለበት ቢሆንም እኛ ለመመለስ በፈቀድን ጊዜ እግዚአብሔር ይመራል እደገና እድል ይሰጣል::

የሮሜ መልዕክት. 1: 1-17

በኢየሱስ ክርስቶስ በማመን ከእግዚአብሔር ጋር ላልታረቀ የዘለአለሙን ብቻ ሳይሆን በዚህም ምድር እውነተኛ ነፃነት ሰላምና እረፍት አይሆንለትም:: እውነተኛ ነፃነት ሰላምና እረፍት የሚሰጥ እርሱ ወንጌልና ወንጌል ብቻ ነው::

*** ወንጌል ለሰው ሁሉ ነው:: ይህም ወንጌል ሊመጣ ያለው ተስፋችን የሆነ ክርሰቶስ ነው:: በዚህ ምድር የመኖራችን የላቀው አላማ ይህን የመዳን ወንጌል ላልሰሙት ማሰማት ማወጅ ነው::

የአማኝ የሰላሙ መጀመሪያ የእግዚአብሔር ን ታላቅነት ባየው ነው;: ያደከመን እረፍት ያሳጣን ነገር ሁሉ ከእርሱ ታላቀነት በታች ነው:: ነጋችንን የሚያውቅ ጌታ እንድንታመንበት ይፈልጋል:: ችግሩ እያለ ማስፈራራቱም እያለ ሰላማችን ግን የበዘ ይሆናል::

ማረፍ ማለት ነገርን ሁሉ ለጌታ መተው ነው::ደግሞም ጌታ አለኝ እርሱ አለኝ ብሎ በእርሱ መደገፍ ነው: በቃሉ መታመን ነው::በዚህች በምትናወጥ አለም ፈውሰ መፅናናት ሰላምና እረፍት በእርሱ ነው::

እምነት ጉዞ ነው:: ከእግዚአብሔር ጋር ተስማምተን የምንጓዘው የህይወት ጉዞ:: ከማየት ከመዳሰስ ወጥተን እንደሰማን እንደበራልን ጌታ እንዳለን ብቻ ማድረግ እርሱ አንዳለ መሆን መብቃተ ነው::

*** እምነት የሚሰጥ እግዚአብሔር ነው:: ነገር ግን ደግሞ በእውቀት የምንወስደው እርምጃ መኖር አለበት::

የሮሜ መልዕክት. 1: 1-25

ጠላት ብዙዉን ጊዜ ሊያጠምደን የሚሞክረው እውነት ባልሆነ ነገር ግን እውነት በሚመስል ነገር ነው:: ስለዚህ ነው በነገሮች ላይ ወስነን አንድ እርምጃ ከመራመዳችን በፊት ልንመረመር ደግሞም የእግዚአብሔርን ፈቃድ መጠየቅ ያለብን::

*** ጠላት ይሸነግላል አማኝ ግን የሚመራው በእግዚአብሔር መንፈስ ሰለሆነ አስቀድሞ የመነፈስ ቅዱስን ድምፅ በመስማት ነገሮችን ይመረምራል::

የይሁዳ መልዕክት:: ከቁጥር 1-25

አማኝ በጌታ የሚኖረው የሚመላለሰውም የእምነቱን መጠን ያህል ነው:: መቆማችን በፈተናም ሁሉ ፀንተን መቆማችን ያመነውን ያህል ነው::ሰለዚህ አንዳንድ ጊዜ ከእምነታችን መጠን ያለፈ ችግር ሲደርስብን እግዚአብሐር የተወን እሰኪመስለን ድረስ እንጨነቃለን:: ጌታ ግን በፀጋው ይረዳንና በእምነታችን እንድናድግ ያደርጋል:: የህይወታችን አሸናፊነትና ድል እግዚአብሔርን በእምነት በመኖር የሚሆኑ ናቸው::