WATATA

Hunde, ezels, vinken, Martin Bremsen, pearde, allens kump vuurbie gallopere. Wiej hebt toch wal zonne mooie oetzending. Doar mo'j bie wean. En dat kan. Een fein half uurken, zeg Voortjens, van gekeukel en gekakel en geköttel. Mooi verdan zo, met 'n pröttel. Wiej zitt al half in suntekloasstemmige. Of nit dan. Of wal. Joa en nee. Aju.

Jaa jongs, iej weet nit wa'j heurt! Wiej zaggen 'n wetholder zit 'n zweet blank vuur de plette beunen in zo'n dranghekke en wiej hadden zovölle wille bie Oarnd da'w geheels nit an beer drinken tokömmen en der mer ene had hebt. Bewies zee'j in de WATATA verhaalliene op fjesbook. Vanwekke zit Dieger Dieks Ten Berge der in en heel misskien Martin Rensen ook wal wier. Mer dat is eaven ofwochten. De oren dee töätert der oe an, zukke mooie kwaliteit a'w hier vandage maakt hebt. Et is nit te geleuven. En dat hooft ook nit. En a'j et töt hier to volehölden hebt met leazen is dat heel knap want et geet helemoal noargens mear oaver. 

Verskeidene leu wollen wal es weten of onze zinne biedrages nog altied duurgungen. Dat goat ze en dat doot ze. Dus zett oe mer eaven fein op de donkergrieze banke met een toastje met kerriesaus, want WATATA  stig wier noar ongekende heugtes. Doar wor'j eaven stille van. Net as Willem de Zwijger. Mer doar zegge wiej wieder ook niks van. Gewoon lusteren, mu'j. Mut nit meanen da'j oaveral zomear verstand van hebt. Kom nou.

Wiej deden verskes maken vuur Mark, Bestuurder in de Logistieke Sector, want onzen Matn had ne nieje jammerplanke. En Diny van Seino köm vuurbie. Mangs was et zo ondudelik dat he zea van 'Wat Seino?' Dieks Harbers meug der ook bie in. Wiej hebt et wal vief keer ezegd! Mu'j mer lusteren!

Hele normale leu. Niks met an de hande. Mangs krie'j bie ons non eenmoal nen skeldnaam. En doar loop iej dan de rest van oew leaven met. In dissen ofleavering doo'w kieken woer as dee vandan komt. Woerumme en wee en wat en wodöanig. Ook et sanhedr- ik bedole et Riessense College van B&W krig der allemoal ene. Ook as ze geheels nit oet Riessen komt Arco van de Kettene, Bert Tijhofland? Erik van 'n Fontein. En Kardinaal van Eck. Ze zitt der allemoal in, leu! Goat dat heuren! 

Joahoa, wat ne stearnparade! Wiej wordt der (hoaste) stille van. En dat is nit zo handig a'j nen podcast mut maken. Want dat geet der toch vuural umme da'j wat te vertellen hebt. Mer dat hebt dee möage, dus dat skealt. Want anders zol et ook jammer van de tied wean of nit dan. Wiej doot wier oaver 'n beer (iej zollen der toch nen dreugen hals van kriegen) en wieders nog völle mear. Gewoon lusteren getooksemie!

Met achttene ma'j beer drinken. Loa'w doar non net met gangs wean. Binnenkort te kriegen: van dee LUMMELs van WATATA. Dat brech de bodskop oaver!

Umda'w et gewoon mer wier es an mossen vatten of nit dan. Wat der vuurbie kump? Wat ducht oe van nen egenen WATATA-beer? De nieje mascotte WATAHAAN kukelekeukelt mangs in beeld en ook et lokale niejs is wier um oaver noar hoes te skrieven. wat pul wat pul! Zeker met den beer. Noh. Aju.

Wat nen mooien dag was et! Dus teugen Clowns Voortjensken en Dengeldieks noar et terras bie Oarnd van de Skimmels. En wat der toon gebuurden, zal oe verbazen....

Of en toe gebeurt et dat der wat te sproake kump, doar ku'j dan met mekaar nie umhen. En dat blif dan veurdan weerumme kommen. Dat hadden wiej noe vandage met Tra- euh Nijverdal. Et ontstoan leest wiej oe eem veur, verskillende ondernemmers uut Nijverdal zit der in. Gratis reklame, wie wil dat noe niet. Veur de gelegenheid doe'w ook eem Nijverdals skriem. Zo wordt et toch wè een mooi spullegie. Maar! Veur de luu uut Riesken (woerumme zegt ze dat altied in Nijverdal, et is 'Riessen' potdooksmie!) is der ook nog wè zat te heuren. Mu'j de oren wè lösdoen.