WATATA

WATATA wörd alle wekken een stukken better! Dus as iej et dit moal niks vindt, mu'j tokommende wekke nog es wier lusteren. In ieder geval he'j zo wier mooi een uur kapot.

Wiej doot kuieren oaver Voortjans zinne reize noar Watatanzania, Jewilmken in Hoogsteigen Persoon kump vuurbie, en wiedters nog nen helen bult mear wa'w hier nit goat daleskrieven, want dan he'j niks mear te lusteren en hebbe wiej et vuur niks openömmen. Aju.

Der zit van allens bie! Et is één geköäkelte! Wo hold iej et vol!

He'j al 'n ei had? Et is ja poasken. Dus doar kump een bult köäkelerieje bie kieken. Vandoar. Onzen börgemaester kump vuurbie, alsmede nen wetholder. De hele Road van Elf löt van zik heuren. Wiej kuiert van greandte, kiekt wat vuur ne doeven o'w ehad hebt en hennen met dree beentjes. Ook introducere wiej de rubrieken: WUSIWA, WEETATA en WATEWÖÖRE.

In dissen aldereersten WATATA podcast kump van allerhande nöalerieje vuurbie. Oaver stroopwafels, den stoat Kalifornië, Nedersaksische Moaten, #TigerKing én DEN PACIFISCHEN RINK VAN VEUR! A'j tied oaver hebt mu'j hier es vuur goan zitten, dan vang iej der nog es wat van op! Ook nog wal nen mooien bak.