
Sign up to save your podcasts
Or


Ja want dat riemt zo mooi met dee B's. Voortjan har last van spiekers. Dee höw hee op 'n kop. Of in. Hee har ja en feestken ehad. Gef niks, he'w allemoal wal es. Terwiel as et nog altied corona is, worde wiej hoaste dwungen um mekander kort op de lippe te kroepen. Dat hef te maken met verleden wekke. Doar komme wiej nog eaven op terugge. En de reppels! Vergett dee reppels nit, leu! Wiejders mu'j mer heuren wat der allemoale in zit. Heanig an!
Wiej hadden der wier ene! Nen podgast! En wat vuur ene. Een man van weinig wöörde en völle pröatjes. Gose Brinkman deed der een poar in van heb ik jou daar. Tegelieke warren wiej duur et sanhedrin van de koarkelike umstandigheden edwungen um de olde studio wier in te doeken en dat bevöl oeteindelik toch wal good. En doarmet sloa'w bladziede 350 umme.
Umdat den van Ter Denge zo neudig op 'n trad mos in et Zwarte Woold, mo'w wat in 't vuurten opnemmen. Ne reserve, de 'bankzitter'. Et genöal is der nit minder umme. Doarnöast heur iej as eerste de primeur vuur Doot Plat en Rap Wat. Binnenkort te kriegen via iTunes, Spotify en Deezer. Doar mu'j et mer met doon. Aju.
Joahoa, doar geet et genöal wier hen zea Voortjan. Nen middag op et terras bie Oarnd gavven ons nen hoop wille (en kopzearte noa de tied), mer wier nen hoop um oaver te nöalen! Wiej wordt heanigan oaver enömmen duur de Duutsers. Klaus Wunderlich kump vuurbie en gappet de show. Smearbatje! Klaar! MOKEY AF!
Oetzendige nommer 10 alwier. En nog aait etzelfde stabiele nöalniveau. Et is nen kunst! Gelukkig krie'w der groot loon en jage wiej der nen dikken auto van. Matn van n Platn dut een nöalebölleken wat in de krante stund en Voortjans is heel wat mans. Loat lopen! Mer nit in de bokse.
Et was aait een keukelspil. Mer do kömme wiej bie Radio 350 oaver de vlore. Dee maken ons dat eaven fein terechte. As dank meug Mister Radio 350, Henk van de Moatgeie, zelf ook anskoeven. Den wus ook nit wat em oaverköm. En met 'n korona löp oe allens in et honderd. Skearen wil nit mear, dus Henk zit mangs met et kuierpöalke vaste in 'n board. Tja. Dat he'j mangs.
Vanof non zi'w (nöast et standaard riedelken van Anchor.fm en Spotify) alle wekken te belusteren op de FM. Alle vriedagöavende tusken 19:00u en 20:00u. En dan ook nog mangs op nen dinkseldag. Wat geet et der of. Nee, op! Op de 92,3 FM.
Onzen niejsten wetholder skof an. De techniek geet der kats van op 'n biester. Toch loa'w ons doarduur nit van de wieze brengen. Want Wessels (wat vonnen Wessels is dat feitelik?) dut der ons ne mooie anneke in. Temet he'j der de oren roodglöainig anstoan. En wieter weet ik ook nit wat ik hier too mut skrieven. Gewoon lusteren, pedooksemie!
Nen beeldenstorm in Riessen? Iej geleuwt oe de oren nit! Ja, dat was toen as et der zo ofgung op 'n Koerbeeld. En op 'n Horrebeeld was et nen groten kroam. Mer wat hef dat non met voetbal te maken? Iej zeet et wal wier, dit moal hale wiej Enter der ook an de oren bie. En ook Jan Zandbergen krig ne egene rubriek! Zinne slimericken doo'w eaven kundig vuurdreagen met nen passenden jengel der bie onder! Gelukkig is et mer een uurken, da's nog te oaverzeen, of nit dan?
Hee, lekker an de zöndaagse soep? Mu'j nit zo met 'n leppel tusken de tandene rättelen, want anders heure wiej onszelf nit mear. En dat vinde wiej nit slim, mer dan krieg iej al dee weardevolle feiten nit met, en dat zol zunde wean. In dissen podcast heur iej wat der vandewekke allemoal wier is passeerd in Riessen, he'w ne OPSPORING VERZOCHT vuur Holtense katten en denke wiej eaven depe noa met de slimerick van Jan van Zandbergen. En as iej non denkt van: weetata? Dan mu'j mer gewoon eaven heuren.
Ja, iej zölt wal denken: WATATA? Mer dan mu'j mer gewoon eaven lusteren. Wiej kuiert oaver De Vliegende Bakker den as non elandt is en oaver ne app woermet at hee wellicht wier kan Goan. Wiej dankt ook Kuups-Jan vuur et blaksems nieje kuierpöalke. Et klinkt zo heelder en zo fris. Jan is nog familie. Oeteandelik zint wiej allemoal familie, mer sommigen mear as anderen. Non zeuke wiej nog sponsoring vuur et gebak.
Heb iej nog ginnen sticker? Dan mu'j ons gauw ne doeve doon. Bestel op dan!
From the publisher's feed