weder übel no hart

TW: Suizid, PTSD, Mental Illness

Hallo mitenand :)

In dere Episode hei mir eus wieder moll eme Thema gwidmet, das in euserer Gsellschaft oft tabuisiert oder, wenn thematisiert, romantisiert oder süscht verzerrt dargstellt wird. Und zwar hei mir eus mit Suizid und Suizidalität usenandergsetzt. Das isch au es sehr persönlichs und emotionals Thema und wills eus wichtig gsi isch, dass mir dem möglichst grecht chönne werde, heimer dörfe e wunderbare Gast drbi ha, dr Raphi, wo mit eus über sini Gschicht und Erfahrige gredet hett. Für eus drei isch das es sehr intensivs, ungfilterets und lehrrichs Gspröch gsi und mir freue uns sehr, das mit euch dörfe z teile.

Em Raphi sis IG: @raphael.niklas
"weder übel no hart" uf IG: @annauebelhart, @larauebelhart

Falls dir Hilf bruchet: Die dargeboteni Hand (Tel-Nr: 143) isch immer für euch do. Diskret und anonym. Informatione findet dir au uf dere Website: https://de.parspas.ch/hilfe
Und falls dir möget s Projekt "Hope For The Day"unterstütze, wo dr Raphi erwähnt hett: https://www.hftd.org/

Your struggles are valid. You are NOT alone. 

Hoi liebi Hörer*inne

Nachere längere Pause sind mir wieder zrug! Und nach dr letschte doch eher ernschte und schwierige Folg hei mr das moll Luscht gha, eifach chli locker flockig über s Johr 2021 z plaudere und eusi Erfahrige und Erkenntnis us de vergangene Mönet z reflektiere. Mir hoffe, ihr chönnet au us dere recht spontane und intuitive Folg öpis mitneh und freue uns druf, in dr nögschte Zit wieder bitz intensiver ins Podcast-Game izstiege. Vo eus ghöreter nämlich uf jede Fall au im 2022 no einiges. Mir si gspannt, was noch chunnt und wünsche euch tolle Mensche e guete Rescht vo dem Johr und e fantastische Start ins 2022. Passet uf euch uf und see you on the other side!

"weder übel no hart" uf IG:
@annauebelhart
@larauebelhart

Hey zemme :)

Hüt verzell ich, d Anna, euch mini Gschicht mit dr Anorexie. Ich ha mehreri Johr lang mit dere Krankheit kämpft und ha in dere Episode mini Erfahrige teilt und uf Froge, wo d Lara mir gstellt het, gantwortet. Mir möchte an dere Stell gern e Trigger Warning setze, wills kei licht verdaulichi Kost isch (pun intended). Ich ha nüt welle beschönige, denn das würd nit dr Realität vomene Lebe mit Magersucht entspreche. Es isch mir würklich nit eifach gfalle, die Zit vo mim Lebe so öffentlich z thematisiere, aber ich hoff ganz fescht, dass ich drmit es Tabu cha breche und villicht sogar dr eint oder em ander cha helfe.

Falls ihr no Froge hend oder euch süscht öpis beschäftigt, chönnet ihr sehr gern uf mi zue cho und mir schribe.

"weder übel no hart" uf Instagram:
@annauebelhart
@larauebelhart

Hallo ihr liebe
Willkomme bi "weder übel no hart", wo mir euch hüt wiedermoll miteme Q&A versorge. Thematisch dreiht sich alles um Fitness, Nutrition, Gym, Bodybuilding. Es sind dank euch echt es paar richtig cooli Froge zemmechoh und mir hei se mit Freud beantwortet. Wie immer ghöret dir eusi ehrlichi, ungfilterti Meinig und eventuell heimer au exciting Tea gspilled...
Viel Spass bim Lose!

Time Stamps:

03:15-07:45: Was motiviert eus, e gsunde Lebensstil z lebe?
07:45-14:58: Wie überwinde mir euse inneri Schweinehund, hend mir das überhaupt?
14:58-17:58: Wie oft trainiere mir und hend mir e bestimmte Split?
17:58-23:20: Lönd mir euse Plan vomene Trainer mache oder mache mir ihn selber?
23:20-25:15: Wie sueche mir s richtige Afangsgwicht us binere Üebig?
25:15-30:42: Was isch euses Warum?
30:42-34:14: Düend ihr eures Esse tracke? 
34:14- 38:24: Was für e Kalorieüberschuss sind ihr gfahre im Ufbau?
38:24-40:35: Het die vegani Ernährig euch gholfe, Fett abzbaue?
40:35-43:42: Hend ihr Vorbilder?
43:42-48:38: Hend ihr beidi Bühneambitione?
48:38-53:20: Proteinpulver ja oder nein? und welches? Andere Supplements?
53:20-53:41: Machsch du, Lara, volleyballspezifischs Krafttraining?
53:41-58:37: Fitnessinfluencer*inne versueche oft, uf Social Media DE effektivi Weg für e Fitnesslifestyle z verchaufe in Form vo Trainingsplän und so witer. Was haltet ihr vo dere Entwicklig? Wie cha me gschid trainiere und sich nit lo in d Irri lo füehre vo irgendwelche Fitnessinfluencer*inne und ihrne frogwürdige Methode?

"weder übel no hart" uf instagram:
@annauebelhart
@larauebelhart

TW: Alkohol(missbrauch)

Hallo ihr liebe
Mir melde eus wieder zrugg und behandle hüt s Thema Alkohol, oder uf jede Fall moll es paar Aspekt drvo. Alkohol, als gsellschaftlich akzeptierti Droge, hett au in eusem Lebe in verschiedene Kontext e Rolle gspielt und drum hei mir euse Umgang drmit müesse finde. Wie de usgseht und wo mir die positive und negative Pünkt gsehnd, verrote mir euch in dere Episode. Viel Spass bim lose!

Time Stamps:
0:00-06:11: Ifüehrig ins Thema
06:11-09:25: Wie d Anna mit Alkohol umgoht
09:25-15:30: Wie s d Lara handhabt
15:30-24:22: Trinke wenns eim schlech goht, paar Anekdote
24:22-28:59: Alkoholkonsum in eusere Gsellschaft
28:59-:31:00: Wie uf Persone reagiere, wo kei Alkohol trinke
31:00-34:15: Problematischs Verhalte im Bezug uf Alkohol
34:15-36:18: Abschluss

"weder übel no hart" uf instagram:
@annauebelhart
@larauebelhart

Hallo zeme! :)
Hüt gits wieder öpis ufd Ohre und zwar plaudere mir chli über (Theater-)Schauspiel und welle Stellewert das in eusem, aber vor allem in dr Lara ihrem Lebe inimmt. Wieso stellt me sich überhaupt ufe Bühni und entblösst sich emotional vor Zueschauer*inne? Was cha eim Schauspiel generell fürs restliche Lebe mitgeh? Wieso würde mirs würklich allne Mensche empfehle, sich sonere Situation moll uszsetze? Das und no meh bespreche mir in dere Episode. 
Viel Spass bim lose und gebet eus Bscheid, wenn ihr no meh zu dem Thema weit ghöre! :) 

Time-Stamps:
00:00-05:52: Begrüessig und ins Thema ifüehre
05:52-08:58: Wie d Lara zum Schauspiel cho isch
08:58-12:52: Vom platzte Schauspielstudium-Traum bis zu dr aktuelle Theaterproduktion
12:52-16:59: Was dr Lara Schauspiel git
16:59-19:35: Was Theater für Emotione cha uslöse bi de Schauspieler*inne
19:35-24:23: Dr Anna ihri Erfahrige mit Schauspiel (bis jetzt😋)
24:23-29:51: Was bim Spiele wichtig isch und warums viel Lüt würd guetdue, s uszprobiere
29:51-31:08: Wie dr Entscheidigsprozess für "Ein paar Leute suchen das Glück und lachen sich tot" gsi isch
31:08-33:35: Mehr zum aktuelle Stück und dr Theatergruppe
33:35-34:56: Was für d Schauspieler*inne am Wertvollschte isch am Ganze
34:56-35:48: Kultur und Schauspiel während dr Corona-Pandemie
35:48-38:03 : Abschluss

"weder übel no hart" uf Instagram:
@annauebelhart
@larauebelhart

Hallo liebi Hörer*inne
In dere Folg hei mir über s Thema "Boundaries", also Grenze, gredet. Mir si dr Meinig, dass es enorm wichtig isch, Grenze z setze und die au klar z kommuniziere. Das isch alles anderi als eifach (au mir hei immer wieder eusi Müeh drmit), aber es lohnt sich sehr, dra z schaffe. Falls dr weit wüsse warum mir das denke und wie genau das cha usgseh - have a listen. Viel Spass!

"weder übel no hart" uf Instagram:
@annauebelhart
@larauebelhart

Hallo zeme :)
Hüt gits e sehr persönlichi Episode, in dere s drum goht, wie das für mi gsi isch, wo ich 2018 überraschend d Diagnose bechoh ha, dass ich e bösartige Tumor in dr Schilddrüse ha. Ich bi hüt wieder gsund, aber die Zit hett  rückblickend sehr grossi Uswürkige uf mini Istellig, mini Beziehig zu mir selber und uf mis ganze Lebe gha. Mir rede au no drüber, wie s für d Anna gsi isch, dass ihri Zwillingsschwöschter mit ihrer Gsundheit strugglet.
Ich hoff ihr chönnet vo miner Gschicht öpis mitneh und as always: Eusi DM's si offe.

"weder übel no hart" uf Instagram:
@annauebelhart
@larauebelhart

Hallo zeme :)
Hüt heimer wieder über eis vo euse Lieblingstheme, und zwar über e Veganismus, plauderet. Drbi simmer uf e paar Frage igange, wo ihr eus scho zur erschte Q&A Episode gstellt heit und wo mir euch no e Antwort schuldig gsi si. D Froge si sehr vielfältig gsi und mir hoffe, ihr chönnet vo dem Gspröch öpis mitneh. Falls no Froge offe si, slided ruhig in eusi DM's, mir si gern für euch do.

Time Stamps:
07:09: Was isch s Schwierigschte am vegan lebe?
11:10: Wie isch eures Milchersatzranking? 
16:35: Wie hend euri Eltere reagiert? 
21:23: Inwiefern beiflusst Fleischkonsum eurere Meinig noch s gsellschafliche Bild vo Männlichkeit?
27:08: Vegani Ernährig und Sport: Was hend ihr für Erfahrige gmacht bim vegane Muskelufbau? 
32:57: Welli Veränderige gspüret ihr sit ihr vegan sit?
37:33: Isch me immerno vegan, au wenn me ame paar Usnahme macht?

"weder übel no hart" uf Instagram:
@annauebelhart
@larauebelhart

Hallo liebi Hörer*inne
Hüt rede mir über es Thema, wo wirklich alli öpis agoht und weniger banal isch, als me chönnt meine: Körperbehoorig. Und zum allererschte Mol hei mir ufem Podcast vonere witere Person Verstärkig bechoh, und zwar vo dr tolle Lisa Luz. Z dritt heimer drüber gredet, wie mir mit eusere Körperbehoorig, insbesondere Achsel-, Bei- und Intimbehoorig, umgönd und warum mir das so mache. Mir hei alli eigeni und sehr persönlichi Standpünkt, Erfahrige und Gründ im Zemmehang mit eusere "Körperhoorroutine" und us dem isch e interessante Dialog entstande. 
Wie immer gilt: Eusi DM's si offe für Froge, Aregige oder eifach, wennder Luscht heit, über öpis bitz intensiver z rede.
Viel Spass bim Lose!

Timestamps:
00:00-02:10: Ifüehrig ins Thema und Vorstellig Lisa
02:10-05:45 : Wieso mir über das Thema rede und wieso d Lara drüber e Arbeit gschribe het
05:45-10:36: Wie mir drei mit eusere Körperbehoorig umgönge
10:36-17:15: Wie s drzue cho isch, dass d Lisa und d Lara sich gege s Normverhalte gstellt hend, wie de Prozess gsi isch und weli Herusforderige das mit sich brocht het
17:15-19:24: Dr Umgang in de Soziale Medie mitem Thema Körperbehoorig
19:24-21:52: Wiblichkeit und Körperbehoorig
21:52-27:22: Wie sich (un)rasierti Hut ahfühlt und wie sich d Istellig drzue cha verändere
27:22-29:21: Summer oder Winter? Wie cha sich d Johreszit uf s Rasurverhalte uswirke
29:21-36:06 Reaktione vom Umfeld uf unrasierti Bei und Achsle
36:06-45:11: Thema Intimbehoorig: Wie isches bim Oralsex?
45:11-46:35: Tipps falls me s usprobiere möcht, d Hoor wachse z loh
46:35-48:38: Abschied

"weder übel no hart" uf IG:
@annauebelhart
@larauebelhart

d Lisa:  @lisa__luz